"Л.Энх-Амгаланг хорлож болно. Монголын үр хүүхдүүдийг хорлож болохгүй"
2026 оны төсвийн тодотголоос "Гэрт ойрхон сургууль" хөтөлбөрийн 13.9 тэрбумыг хассан. Мөн Оюу толгойн ногдол ашгаар авахаар төлөвлөсөн 3 их наяд төгрөгийн 2 их наядыг дэд бүтцэд төлөвлөсөн байсан хуулийн төслөө Засгийн газар буцаан татсан юм.
Тус агуулгаар Боловсролын сайд Л.Энх-Амгалан дараах байр суурийг илэрхийллээ.
Тэрбээр "Нэг гараараа хүүхдүүдийн эрх ярьж, хамгаалъя гээд байдаг. Гэтэл нөгөө гараараа түрээсийн зардлыг нь хасаад байгааг гайхаж байна. 2027 онд төрөлжсөн ахлах сургуулиуд байгуулахаар байсан ч бүгд үгүй болсон. Хүүхэд бүрд боломж олгож, таван бүсэд кембриджийн хөтөлбөртэй сургуулийг дотуур байртай нь байгуулахаар, 100 сургуулийг эрүүл аюулгүй, ногоон сургууль болгох, мөн шинээр ашиглалтад орж байгаа сургуулиудыг сандал ширээнээс нь авхуулаад тоног төхөөрөмжөөр бүрэн хангахаар 75 тэрбумыг суулгаж оруулж ирсэн ч хасагдчихсан.
Баялгийн сангийн хуулийн дагуу ногдол ашиг Хуримтлалын санд хуримтлагдана. Энэ хуримтлалаа боловсрол, эрүүл мэнд, ипотекийг эх үүсвэрт зарцуулагдах хуультай шүү дээ. Тэгсэн атал эрүүл мэнд, боловсрол хоёрынхоо төсвийг хасчихлаа. Гишүүд байнгын хороод дээр 800 орчим зарчмын зөрүүтэй санал гаргасан байсан. Дийлэнх нь боловсролоос хасъя гэдэг санал байна. Энэ гишүүдийг огт ойлгохгүй байна.
Он дамнаж байгаа 170 орчим объект байна. Гурван жилээс дээш баригдаж байгаа 60-70 объект бий. Үүний эх үүсвэрт 170 орчим тэрбум төгрөг хэрэгтэй. Үүнийг төсвийн тодотголд суулгасан байсан ч авч үзсэнгүй. Яриад байгаа зүйл нь хүүхдийн төлөө юм шиг, гаргаад байгаа үйлдэл нь хүүхдийн эсрэг л байна. Эсхүл Л.Энх-Амгаланг эсэргүүцээд байгаа юм уу. Л.Энх-Амгаланг хорлож болно. Монголын үр хүүхдүүдийг хорлож болохгүй" гэв.
Г.МИШЭЭЛ









АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энэ хүн дандаа юмыг худалч хүний өнцгөөс харна. Улстөрийг худлаа ярих гэж ойлгодог шиг байгаа юм. Dr. Yair Lev said his second-grade daughter suddenly went silent midsentence as she scrolled through a math app on her school-issued Chromebook last year. Her eyes glazed over like a “zombie.”
Таавчиг Хүрэлсүх цагаар тулахаар хүүхдийг бодохгүй.Учрал яахав Ухнаны хүүгийн гар хөл..Нэг л их дүр үзүүлсэн хүн.
Зайл муу поп. Энэ ууртай байхыг бодоход зөв юм хийжээ.
Тамын тогооны үлгэрээсээ салж чадахгүй эмгэнэлтэй Монгол болжээ. Улс төрч гэж өөрсдийгөө бодсон зөв бичгийн дүрэм ч мэдэхгүй хэдэн хувиа бодсон арчаагүй авгай, банди нараар Монголын төрийг, Монголын ирээдүйг тоглуулсаар байх уу. Юуг чухал, юуг эрхэм гэж ойлгох ухааны бядгүй болжээ хөөрхий. Ирээдүй рүүгээ гар буугаар буудвал эргээд тэд бидэн рүү их буугаар буудна гэж ярьдагсан.