2015 онд “Хөтөлийн цемент, шохой” компанийн төрийн эзэмшлийг хувьчлах тухай 70-р тогтоолыг УИХ баталсан байдаг. Тус тогтоолоор Хөтөлийн үйлдвэр хувьчлагдсан. Тогтоол одоо хэр хүчинтэй байгаа. Гэтэл Засгийн газар тогтоолыг давж, зөрчиж хувьчлал цуцлах шийдвэр гаргаад байгаа юм. Улмаар үйлдвэрийн Гүйцэтгэх захирлаар Л.Наранбаатарыг томилоод буй. Гүйцэтгэх удирдлагыг нь чөлөөлж, өөрсдийн талаас томилсон нь Засгийн газар гаргасан шийдвэрээ хэрэгжүүлж эхэлснийг илтгэнэ.
Харин өнөөдөр уг 70-р тогтоолын хавсралтад өөрчлөлт оруулах тогтоолын төслийг Эдийн засгийн байнгын хорооны хуралдаанаар хэлэлцэн дэмжжээ. Өөрөөр хэлбэл хувьчлах агуулга бүхий заалтыг хасахаар байнгын хорооны гишүүд санал нэгдсэн байна. Өөрөөр хэлбэл Засгийн газар эхэлж шийдвэр гаргаад, араас нь УИХ-ын тогтоолыг хүчингүй болгохоор ажиллаж буй нь зарчмын дарааллаа зөрчсөн үйлдэл юм.
ТӨБЗГ-ын дарга Б.Цэнгэл эл асуудалд “Бид нар тогтоолыг удахгүй УИХ-аар оруулаад хүчингүй болгочихно оо” гэж ам бардам дуугарсан нь анхаарал татдаг
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.