“Johnson & Johnson’s” компани хүүхдийн нунтгийг нь хэрэглэснээс болж хорт хавдар туссан гэж хэрэг үүсгэсэн эрэгтэйд 18.8 сая ам.долларын нөхөн төлбөр өгөх ёстой гэж шүүх шийджээ. Калифорни мужийн оршин суугч Эмори Эрнандес Валадес өнгөрсөн жил Оакланд дахь Калифорнийн шүүхэд мөнгөн хохирлоо нөхүүлэх нэхэмжлэл гаргасан аж.
Үүнтэй ижил олон мянган нэхэмжлэл АНУ-ын шүүхэд үүсээд байгаа юм. 24 настай Эрнандес бага насандаа тус компанийн хүүхдийн нунтаг ашигласнаас болж мезотелиома гэх аюултай хорт хавдраар өвчилсөн гэж шүүхэд хэрэг үүсгэжээ. Шүүх хурал зургаан долоо хоног үргэлжилсний эцэст “Johnson & Johnson” компанийг нөхөн төлбөр олгох ёстой гэж үзсэн байна.
Тус компанийн шүүхийн асуудал хариуцсан дэд ерөнхийлөгч Эрик Хаас “Johnson компанийн хүүхдийн нунтаг нь аюулгүй, асбест агуулаагүй мөн хорт хавдар үүсгэдэггүй гэдгийг харуулсан олон арван жилийн судалгаатай нийцэхгүй шийдвэр” учраас давж заалдана гэсэн юм.
Эх сурвалж: Reuters
Б.БУЯНДОРЖ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.