Энэ сарын дунд 10 хоног олон жилийн дунджаас хүйтэн байсан. Харин сүүл 10 хоног харьцангуй дулаан байна. Тэгвэл нэгдүгээр сарын цаг агаарын урьдчилсан төлөв ямар байх вэ.
Төвийн аймгуудын нутгаар. Энэ сард агаарын дундаж температур Хөвсгөл, Архангайн баруун, Өвөрхангайн ихэнх хэсгээр олон жилийн дунджийн орчим, бусад нутгаар дунджаас хүйтэн, хур тунадас нийт нутгаар дунджийн орчим байх төлөвтэй. Нэгдүгээр арав хоногийн дунд үе, гуравдугаар арав хоногийн эхэн болон дунд үеэр ихэнх нутгаар олон жилийн дунджаас 2–4°С-аар дулаан байх бол нэгдүгээр арав хоногийн сүүлч, хоёрдугаар арав хоногийн эхэн болон дунд үе, гуравдугаар арав хоногийн сүүлчээр ихэнх нутгаар -2–5°С-аар хүйтэн байх төлөвтэй. Нэгдүгээр арав хоногийн дунд, хоёрдугаар арав хоногийн эхэн, гуравдугаар арав хоногийн сүүлчээр ихэнх нутгаар цас орж, салхи ширүүсч, зарим газраар цасан шуурга шуурч болзошгүй.
Зүүн аймгуудын нутгаар. Энэ сард агаарын дундаж температур Хэнтий, Дорнодын нутаг, Сүхбаатарын хойд хэсгээр олон жилийн дунджаас хүйтэн, бусад нутгаар дунджийн орчим, хур тунадас Хэнтий, Дорнодын өмнөд хэсэг болон Сүхбаатарын нутгаар ахиу, бусад нутгаар дунджийн орчим байх төлөвтэй. Нэгдүгээр арав хоногийн эхэн болон дунд, хоёрдугаар арав хоногийн эхэн, гуравдугаар арав хоногийн дунд болон сүүлчээр ихэнх нутгаар олон жилийн дунджаас 1–3°С-аар дулаан, бусад хугацаанд дунджийн орчим болон дунджаас 1–2°С-аар аар хүйтэн байх төлөвтэй. Нэгдүгээр арав хоногийн дунд, хоёрдугаар арав хоногийн эхэн болон дунд үеүдэдзарим газраар цас орж, салхи ширүүсч, цасан шуурга шуурч болзошгүй.
Говийн аймгуудын нутгаар. Энэ сард агаарын дундаж температур нийт нутгаар олон жилийн дунджийн орчим, хур тунадас Өмнөговь, Дорноговийн нутаг, Дундговийн өмнөд хэсгээр олон жилийн дунджаас ахиу, бусад нутгаар дунджийн орчим байх төлөвтэй. Нэгдүгээр арав хоногийн эхэн болон дунд үе, гуравдугаар арав хоногийн ихэнх хугацаанд олон жилийн дунджаас 2–4°С-аар дулаан байх бол нэгдүгээр арав хоногийн сүүлч, хоёрдугаар арав хоногийн эхэн, гуравдугаар арав хоногийн сүүлчээр ОЖД-аас 2–4°С-аар хүйтэн байх төлөвтэй. Нэгдүгээр арав хоногийн дунд үе болон хоёрдугаар арав хоногийн эхээр зарим газраар цас орж, цасан шуурга шуурч болзошгүй.
Сарын эхээр ихэнх нутгаар агаарын дундаж температур олон жилийн дунджаас дулаан байх боловч нэгдүгээр арав хоногийн сүүлч, хоёрдугаар арав хоногийн эхэн болон дунд үеүдэд ихэнх нутгаар 3– 5°С-аар хүйтэн байна. Сарын дунджаар нь аваад үзвэл нутгийн баруун өмнөд хэсгээр олон жилийн дунджаас дулаан, харин төв болон зүүн аймгуудын нутгийн ихэнх хэсгээр хүйтэн, говь талын нутгаар дунджаас ялимгүй их цас орох төлөвтэй.
Д.УЛСАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ойролцоогоор тэдээс тэдэн хэм байх төлөвтэй гэж тодорхой бичиж болдоггүй юм уу. олон жилийн дундажийг мэдэхгүй ш дээ.
Хүн амынх нь талаас илүү хувь нь УБ-т амьдарч байгааг мэдсээр байж хотын цаг агаарыг байнга орхиж бичдэг, мангар тэнэг гарууд.
Админ нь юу хийж байдаг юм бэ???
Хот ямар хамаатай юм нэг хананаас нөгөө ханын хооронд явж бгаа хүмүүс хөдөө орон нутаг малчид чухал хотод архиа гударч яваад хөлдөж үхвэл хохино
Хөдөөний сданууд
Баруун аймгууд нь хаачсан юм бэ
Баруун аймгууд болон улаанбаатар хот монголоос хасагдсан уу?
Баруун аймаг, УБ хот яасан бэ. Гаргаж чадаагүй юм уу