Энэ сарын 04-нд Багануур дүүрэгт 37 дахь удаагийн “Болор цом” яруу найргийн наадам болж өнгөрсөн билээ. Уг наадмын нэгийн даваанд энэ жил 27 найрагч шалгарснаас Б.Жамбалдорж энэ жилийн “Болор цом”-ын эзэн болсон юм.
Ховд аймгийн Эрдэнэбүрэн сумын харьяат Б.Жамбалдорж нь Монголын радиогийн эфирийн найруулагч, Г.Сэр-Одын шагналт яруу найрагч юм.
Түүний хувьд эхнэр хоёр ихэр охидын хамтаар гэрт амьдардаг. Өнгөрсөн жилээс эхэлж “Болор цом”-ын эзэд нутгийн зөвлөлөөс байр өгдөг жишиг тогтоод буй.
Тухайлбал, өнгөрсөн жилийн цомын эзэн Б.Баттулгад Завханчууд хоёр өрөө байр бэлэглэсэн.
Тэгвэл өнөө жилийн Болор цомын тэргүүндээ Ховд нутгийн зөвлөлөөс санаачлан, Сар шинийн өмнө орон сууцтай болгох хөдөлгөөн өрнөж, хандив цуглуулж эхлээд байгаа аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.