Эрүүл мэндийн яам болон холбогдох албаныхан COVID-19 цар тахлын нөхцөл байдлын талаар мэдээлэл хийлээ.
Энэ үеэр ХӨСҮТ-ийн ерөнхий захирал Д.Нямхүү “Энэ сарын 12,13-нд нийт 1352 хүнд шинжилгээ хийхэд хоёр хүнээс халдвар илэрлээ. Тухайн хоёр иргэн нь аравдугаар сарын 10-нд Токиогоос ирсэн юм.
Мөн есдүгээр сарын 9-нд Алтанбулагийн боомтоор ирсэн нэг жолооч эдгэрлээ. Ингээд манай улсад коронавирусийн халдварын батлагдсан 320 тохиолдол байна. Үүнээс 311 хүн эдгэрчээ. Одоо ХӨСҮТ-д коронавирусийн халдвар авсан 9 хүн эмчлүүлж байгаагаас 7 нь хөнгөн, 2 хүний биеийн байдал хүндэвтэр байна” гэсэн юм.
Э.СИЙЛЭН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.