Ч.Өнөрбаяр: Л.Оюун-Эрдэнээс өөр Ерөнхий сайд хийчих аавын хүү алга уу, танай намд

Өнөөдөр /2022.06.23/ "Шонхор Тауэр"-т С.Эрдэнийн талын Ардчилсан намынхан 4:11 мэдээллийн цагаараа дараах мэдээллийг хийлээ.

АН-ын Ерөнхий нарийн бичгийн дарга Ч.Өнөрбаяр: Олон нялуун үгээр яахав. Зарчмын байр сууриа илэрхийлээд явсан дээр байх. Л.Оюун-Эрдэнэ, Ц.Нямдорж хоёр Монгол Улсын Засгийн газрыг авч явж байна. Гэхдээ энэ хоёр хүн улсыг удирдахад ухаан заах хэрэгтэй гэдгийг одоо хүртэл ойлгоогүй юм шиг байна. Ухаан зарах хэрэгтэй байхаас биш сэтгэл хөдлөлөөр ажил хийдэггүй юм. Та нар М.Энхболдоо тайзнаас буулгасан шиг, Н.Номтойбаярыг намаасаа хөөсөн шиг улсын удирдана гэж байхгүй шүү. Монгол Улсыг тэгж удирддаггүй юм. Та нарын ухааны чинь хөвч хоёр жил хүрэлгүй тасарчихаж байгаа юм байна. Хувийн өс хонзонгийн сэдлээр ажил хийдэггүй юм. Л.Оюун-Эрдэнэ ээ, Ц.Нямдорж оо. Монгол төрөөс холдоод өг. Ард түмэнд битгий гай болоод бай. Л.Оюун-Эрдэнээс өөр Ерөнхий сайд хийчих аавын хүү алга уу танай намд. Ц.Нямдоржоос өөр Засгийн газрын гал тогоо барьчих хүн алга уу. Одоо Ц.Нямдоржоос юу ч гарахгүй шүү дээ. Бүх цэнэгээ дуусчихсан шүү дээ наад хүн чинь. Шоронжсон хуулийг л хийж чаддаг хүн. Эдийн засаг, геополитик ойлгохгүй шүү дээ. Засгийн газраар ажлыг нь хийлгэ. Ингэж чадахгүй бол УИХ тар" хэмээлээ.

Ардчилсан намын хуулийн асуудал эрхэлсэн нарийн бичгийн дарга О.Баасанхүү: Цар тахлын хуулиар халхавч хийгээд УИХ бүрэн эрхээ Засгийн газарт өгсөн. Чадамжтай УИХ алга. Тийм учраас л даамсаг, морь мал, дүүрэг хорооны начин ярьж байна. Хэрэв чадамжтай байсан бол өөр юм ярих байсан. Улсын төсөв баталж байхад 33 тэрбумаар хөшөө барина гэж байсан. Би Эрдэнэтийн иргэдээ өрөвдөж байна. Хоёр хулгайч, нэг худалчийг сонгочихсон. УИХ-ын дарга Г.Занданшатар байгаа, байхгүй нь мэдэгдэхгүй. Дефольт зарлах тухай аймшигтай зүйлсийг олон улсын байгууллагууд анхааруулсаар байна. Гэтэл Б.Жавхлан дефольт зарлах боломжгүй гэж байна. Ийм УИХ байж болохгүй. Тарах ёстой. УИХ-ын дарга ч ийм байх ёсгүй" хэмээлээ.

Өөрийн сэтгэгдлээ илэрхийл

Share Tweet