Өнгөрсөн долоо хоногт дэлхийн хамгийн том дүрвэгсдийн хуаранд түймэр гарсан. Мөрдөн байцаагчид тус явдалыг "төлөвлөсөн бөгөөд зорилготой хорлон сүйтгэх ажиллагаа" гэж үзэж байна.
Гуравдугаар сарын 5-нд Бангладеш улсад гарсан түймрийн улмаас 15,000 дүрвэгч орон гэргүй болж, 2,800 орчим хоргодох байр шатжээ.
Зэвсэгт бүлэглэлүүд хуаранг эзлэх, ноёлох зорилгоор гал тавьсан гэж засгийн газрын албан тушаалтан хэллээ.
Абу Сафиан “Хэд хэдэн газарт нэгэн зэрэг түймэр гарсан нь үүнийг төлөвлөж байсныг нотолсон. Амиа алдсан хүн байхгүй. Гэвч түймэр сургууль, эмнэлгийн эмнэлэг, үйлчилгээний цэгүүдийг устгасан” гэв.
Бангладешийн зүүн өмнөд хэсэгт орших Кокс-Базарын 11-р хуаранд орон нутгийн цагаар 14:30 цагт (GMT 08:30) түймэр гарсан аж.
Одоогийн байдлаар дүрвэгсэд хулс, нимгэн хуванцар хавтангаар хийсэн овоохойд амьдарч байна. Ачаалал ихтэй, ядмагхан эдгээр дүрвэгсдийн хуаран гал түймэрт өртөмтгий байдаг.
Өнгөрсөн сард нийтэлсэн Бангладешийн Батлан хамгаалах яамны тайланд дурдсанаар, 2021 оны нэгдүгээр сараас 2022 оны арванхоёрдугаар сарын хооронд Рохинжа хуаранд 222 гал түймрийн тохиолдол гарсан байна.
А.Сора
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.