Монголын Өмгөөлөгчдийн Холбооны 2023.10.07-ний өдрийн ээлжит Их хурлаар Монголын Өмгөөлөгчдийн Холбооны Ерөнхийлөгчөөр Лхагвын Данзанноров сонгогдож 2023 оны 10 дугаар сарын 09-ний өдөр тамгаа гардан авч, ажилдаа орлоо.
Монголын Өмгөөлөгчдийн Холбооны Ерөнхийлөгч Л.Данзанноров нь 1979 онд Дундговь аймагт төрсөн. Өмгөөлөгчдийн байгууллагад 20 дахь жилдээ ажиллаж байна.
Тэрбээр 2003 онд ОХУ-ын Краснодар хотын Кубаны Их сургуулийг Эрх зүйч мэргэжлээр магистрын зэрэгтэй төгссөн. МУИС-ийн Хууль зүйн сургуулийн докторант.
Ажлын туршлага:
•2004-2008 онуудад Дундговь аймгийн Өмгөөлөгчдийн зөвлөлд өмгөөлөгч, Зөвлөлийн дарга
•2003-2006 онуудад Дундговь аймгийн Мэргэжлийн хяналтын газрын дотоод ажил хариуцсан мэргэжилтэн, хуулийн зөвлөх
•2008 оноос “Монгол Өмгөөлөгч” хууль зүйн фирмд Эрүүгийн эрх зүйн секторын ахлах өмгөөлөгч
•2011-2014 онуудад Монголын Өмгөөлөгчдийн Холбооны сахилгын хорооны гишүүн
•2013-2016 онуудад Монголын Хуульчдын Холбооны Мэргэжлийн хариуцлагын хорооны гишүүн
•2016 оноос Монголын Хуульчдын Холбооны Өмгөөлөгчдийн Хороо, Эрүүгийн эрх зүйн хорооны Удирдах зөвлөлийн гишүүнээр ажиллаж байна.
Б.ХАШ-ИЛД
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.