УЛС ТӨРЭДИЙН ЗАСАГ

Б.Батцэцэг: Нэг эзэнтэй таван компани ЖДҮХС-аас авсан зээлээ төлөхгүй бол нийтэд ЗАРЛАНА

ЖДҮ-ийг хөгжүүлэх сангийн зээлтэй УИХ-ын нэр бүхий гишүүд болон зарим сайд нэр холбогдсон дуулиан нэг жилийн өмнө дэгдэж байсан билээ. Албан тушаалаа урвуулан ашиглаж, өөрийн болон өөрт хамаарал  бүхий компанидаа зээл авсан байж болзошгүй гурван гишүүний хэрэг прокурорт хянагдаж байга юм. Эдгээр гурван гишүүнээс гадна ЖДҮХС-аас зээл авсан 31 иргэн, ААН бий. Тэдний зээлсэн нийт мөнгөн дүн 19.7 тэрбум төгрөг бөгөөд үүнээс одоогийн байдлаар 12.9 тэрбум гаруй төгрөг эргэн төлөгдөөд байгаа аж.

Харин эргэн төлөгдөөгүй зээлийн талаар ЖДҮХС-ийн захирал Б.Батцэцэг хэвлэлд өгсөн ярилцлагадаа “Зээлээ төлөөгүй 3500 хоногийн хэтрэлттэй зээлдэгч ААН бий. Зээлээ төлөхгүй бол энэ сард нэрийг нь олон нийтэд ил нээлттэйгээр зарлах үйл ажиллагааг ХХААХҮЯ-наас хэрэгжүүлнэ. Одоогийн байдлаар хэргийг шүүхийн шатанд шилжүүлэх, ШШГЕГ-тай хамтарч ажиллан барьцаа хөрөнгөд нь халдах арга хэмжээг үе шаттайгаар хийж байна. Зээлээ эргэн төлүүлэхэд хүндрэлтэй нөхцөл байдал үүсээд байгаа. Нэг хүний таван компанитай, түүгээрээ дамжуулан зээл авсан тохиолдол ч байна” хэмээжээ.

П.УРНАА

Холбоотой мэдээ

5 Сэтгэгдэл

  1. Зээлээ төлөхгүй 10 жил болчихсон байдаг, одоо л зарлана шүү гэж айлгаж байгаамуу яаж байгаа юм, Та нар боль л доо. Гацууртын Чинбат уу наадах чинь

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close