Ц.Тэмүүлэн донтолттойгоо сарын хугацаанд амжилттай тэмцэж, үр дүнгээ хуваалцав

УИХ-ын гишүүн асан Р.Бурмаагийн хүү Ц.Тэмүүлэн өнгөрсөн зургаадугаар сард АНУ-аас шууд дамжуулалт бичлэг хийж, хар тамхи худалдан борлуулдаг, хэрэглэдэг гэх хүрээллийн тухай мэдээлэл хуваалцах болсон. Түүний ярьж байгаа асуудлууд, дурдсан нэрс тухайн үедээ анхаарал татаж тэдгээр хүмүүсийг саатуулж шалгасан үйл явдал ч өрнөсөн байдаг.

Хэсэг хугацааны дараа уг асуудал олны анхаарлыг татахаа больж, түүний хар тамхины хамааралтай гэдэг ил болсон.

Харин тэр сарын өмнөөс "Би донтолтоосоо салахаар шийдлээ" хэмээн мэдэгдэж олны анхаарлыг дахин өөр дээрээ авч чадсан юм. Тухайн үед түүнийг дэмжиж байгаагаа илэрхийлж, амжилт хүсэж буй хүмүүс дийлэнх хувийг эзэлж байсан бол сөргөөр хүлээн авах хэсэг ч байв.

Тэгвэл Ц.Тэмүүлэн өчигдөр /2024.09.11/ хар тамхитай тэмцээд нэг сар болж байгаагаа мэдэгдсэн юм. Түүний бүтэн сарын хугацаанд уйгагүй байсан, өөрийгөө ялж чадаж байгаа энэ кэйс бүгдийн нүдэнд ил өрнөсөн бөгөөд олон хүнд үлгэр дуурайл, сайн жишээ болж чадлаа хэмээн сайшаагдаж байна. Түүнийг жинхэнэ инфлюнсер хэмээн тодорхойлох хэсэг ч бий болжээ.

Тэрбээр сарын хугацаанд спортоор хичээллэж, ном уншиж, сургалтад суух зэргээр муу зуршлаасаа холдож чадаж байгаа бөгөөд үр дүнгээ өдөр тутам нээлттэй мэдээлдэг болоод буй.

Д.УЛСАА

Энэ мэдээнд өгөх таны үнэлгээ

Хуваалцаарай Жиргээрэй