Өнөөдөр /2020.06.15/ УОК-ын шуурхай штабаас цаг үеийн асуудлаар мэдээлэл хийлээ. Энэ үеэр ГХЯ-ны Консулын газрын дарга Л.Мөнхтүшиг:
“Бид нийт 22 удаагийн тусгай үүргийн нислэг үйлдэж, 10 мянга гаруй иргэдийг татаж аваад байна. Үүний өмнө УОК-ын хуралдааны дараа энэ сард нийт найман нислэг үйлдэнэ гэж зарлаж байсан. Тэгвэл иргэдийн санал хүсэлтийн дагуу ес болгож нэмэхээр боллоо.
Энэ бол зургадугаар сарын 20-ны өдөр Зүүн Өмнөд Азид байгаа монгол иргэдээ татах нислэг юм. Ирэх иргэдийн нэрс эцэслэгдэж байна. Нислэгийг дамжин /транзит/ хэлбэрээр үйлдэнэ. Өөрөөр хэлбэл Сөүт хот руу нисэж, тэнд Зүүн Өмнөд Азиас цугларсан монгол иргэдийг татах юм” гэлээ.
Х.ЭРХЭС
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.