Засгийн газрыг огцруулахаар АН-ын бүлгийн гишүүд өнгөрсөн хавар гарын үсэг цуглуулж эхэлж буйгаа зарласан. Гэтэл өнөөдрийн байдлаар УИХ-ын гишүүн Д.Адьшаа, Ц.Туваан, А.Адъяасүрэн, Н.Алтанхуяг, Ж.Батсуурь, Н.Ганибал нар гарын үсэг зураагүй гэх мэдээлэл байгаа юм.
Улмаар тэднийг Ерөнхийлөгч асан Х.Баттулгыг Ерөнхий сайд Л.Оюун-Эрдэнийн зөвлөх болсны дараа түүнийг дагадаг дээрх гишүүд эрх ашгийг хамгаалах үүднээс зурсан гарын үсгээсээ буцсан гэгдэж буй билээ.
Тэгвэл энэ талаар бид Н.Ганибал гишүүнээс өөрөөс нь тодрууллаа. Ингэхэд тэрбээр, "Манай бүлэг Засгийн газрыг огцруулах асуудлын талаар хэлэлцсэн. Огцруулах саналтай өргөх бичиг явсан. Түүнд нь би гарын үсэг зурсан. Намайг гарын үсэг зураагүй, зурсан гарын үсгээсээ ухарсан буцсан гэх мэдээлэл худал” гэсэн юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.