НИЙГЭМНийгэм мэдээ

Улаанбаатарт ялимгүй цас орж, өдөртөө 6-8 хэм хүйтэн байна

Өнөөдөр буюу арваннэгдүгээр сарын 18-нд ихэнх нутгаар үүлшинэ. Хөвсгөл, Дорнодын зарим хэсэг, Сэлэнгэ аймгийн зүүн, Хэнтийн хойд, Төв аймгийн зүүн хойд сумдын нутгаар 0.0-1.0 мм цас орж, зөөлөн цасан шуурга шуурна. Бусад нутгаар цас орохгүй.

Салхи ихэнх нутгаар баруун хойноос секундэд 5-10 метр, говь, тал, хээрийн нутгаар секундэд 12-14 метр хүрч ширүүснэ.

Нийслэлд маргааш үүлэрхэг, ялимгүй цас орно. Салхи баруун хойноос секундэд 5-10 метр хүрнэ.

Шөнөдөө Яармаг-Сонгины орчмоор 17-19 хэм, хотын бусад хэсгээр 14-16 хэм хүйтэн байна. Өдөртөө 6-8 хэм хүйтэн байх төлөвтэй.

ОРОН НУТАГ:

Улсын хэмжээнд хүйтний эрч чанга хэвээр байна. Шөнөдөө Дархадын хотгор, Завхан, Заг-Байдраг голын эх, Идэр, Тэс голын хөндийгөөр 27-32 хэм, Алтай, Хангай, Хөвсгөл, Хэнтийн уулархаг нутаг болон Эг, Үүр, Туул, Тэрэлж, Хараа, Ерөө голын хөндийгөөр 20-25 хэм хүйтэн байна.

Говийн бүс нутгийн өмнөд хэсгээр шөнөдөө 9-14 хэм, бусад нутгаар 14-19 хэм хүйтэн байх аж.

Өдөртөө Дархадын хотгор, Завхан, Заг-Байдраг голын эх, Хүрэнбэлчир орчим болон Идэр, Тэс голын хөндийгөөр 16-21 хэм хүйтэн байна. Харин Хангай, Хөвсгөл, Хэнтийн уулархаг нутаг болон голын хөндийгөөр 10-15 хэм, Их нууруудын хотгор болон говийн бүс нутгийн баруун өмнөд хэсгээр 0-5 хэм, бусад нутгаар 5-10 хэм хүйтэн байна.

АНХААРУУЛГА: Ихэнх нутгаар хүйтний эрч чангарч, говь, тал, хээрийн бүсэд салхи ширүүсэх тул малчид, иргэд, тээвэрчид зам, даваа, гүвээнд үүсэх халтиргаа гулгаа, мөстөлтөөс сэрэмжлэхийг анхааруулж байна.

Б.Гэгээ

Өөрийн сэтгэгдлээ илэрхийл
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button