Манай улсад хог хаягдлыг дахин боловсруулах үйлдвэр, аюултай хог хаягдлыг хадгалах байгууламж дутмаг. Үүнээс үүдэн нийт хог хаягдлынхаа 70 хувийг хөрсөндөө булж байна.
Монгол Улсын хэмжээнд жилд 1 сая тонн хог хаягдал гардаг. Үүний 60 хувь нь Улаанбаатар хотод, 40 орчим хувь орон нутагт ялгардаг гэсэн судалгаа гарчээ. Нийт хог хягдлын 90 орчим хувь нь ахуйн хог хаягдлууд байдаг бол 10 гаруй хувь нь үйлдвэрийн хог хаягдал. Тиймээс энгийн хог хягдлыг шатааж эрчим хүч гарган авдаг үйлдвэрийг байгуулж чадвал хөрсөнд хогоо булж устгах асуудал шийдэгдэх бүрэн боломжтойг БОАЖ-ын яамнаас хэлж байна.
Харин, булж устгах боломжгүй аюултай хог хаягдлыг устгах хүртэл нь хадгалах төвлөрсөн байгууламж мөн хүрэлцээгүй. Иймд аюултай хог хаягдлыг төвлөрүүлэн түр хугацаанд хадгалах цэгийг 14 аймагт байгуулахаар болжээ. Энэ төрлийн хягдал цахилгаан хэрэгслээс болон тээврийн хэрэгсэл, химийн бодисоос ихэвчлэн гардаг байна.
Д.МӨНХБАТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.