Нийгэм мэдээ
Сар шинийн өсвөрийн бөхийн барилдаанд А.Алтан-Эрдэнэ түрүүлж, Б.Бат-Өлзий зааны хүү үзүүрлэжээ
Модон могой жилийн сар шинийн баярт зориулсан өсвөрийн бөхийн барилдаан өчигдөр боллоо.
Тус барилдаанд 11-12 насны 64 бөх зодогложээ. Үүнээс Өмнөговь аймгийн Цогтцэций сумын харьяат А.Алтан-Эрдэнэ түрүүлж, Ховд аймгийн Зэрэг сумын харьяат, нийслэлийн 118-р сургуулийн өсвөрийн бөх Б.Өсөх-Ирээдүй үзүүрлэсэн байна.
Б.Өсөх-Ирээдүйн хувьд Улсын заан Б.Бат-Өлзийн хүү юм.
Харин Хүүхдийн ордоны өсвөрийн бөх С.Тэнүүн, Өмнөговь аймгийн Номгон сумын харьяат өсвөрийн бөх Б.Чулуун нар гуравт тунасан байна.
С.Тэнүүний хувьд мөн уран барилдааны шагнал хүртжээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.