Одон орон судлаачид ертөнц тэлж буй хурд нэмэгдэж байна гэж үздэг. Энэхүү онол Нобелийн шагнал хүртэж байсан. Тэгвэл ертөнцийн тэлэлтийн хурд нэмэгдэж байгаа биш, харин удааширч байж магадгүйг шинэ судалгаа харуулжээ.
Хэрэв энэ судалгаа нь батлагдвал, хорвоо ертөнцийн ирээдүйн таамаглалд гүн нөлөө үзүүлэх юм. Тухайлбал ертөнц мөнх тэлэлт удааширвал ирээдүйд урвуу их тэсрэлт буюу “их агшилт” гэдэг нэртэй процесс явагдах боломжтой. Судалгааг хийсэн астрономичид хэлэхдээ харанхуй энерги цаг хугацааны явцад суларч байгаа бололтой гэжээ. Харанхуй энерги нь ертөнцийн тэлэлтийг үүсгэдэг хүч юм
Судалгааг удирдаж явуулсан Өмнөд Солонгосын Ёнсэй их сургуулийн профессор Ён Вүг И “Ертөнц тэлэх хурд аль хэдийн удааширсныг манай судалгаа харууллаа. Мөн харанхуй энерги цаг хугацааны эрхэнд төсөөлж байснаас хамаагүй хурдан өөрчлөгдөж буйг харуулж байна. Хэрэв эдгээр үр дүн батлагдвал, харанхуй энергийг 27 жилийн өмнө нээсэн цагаас хойш сансар судлалын ойлголтын өөрчилсөн томоохон зүйл болно”
Эрдэмтэд энэхүү эрдэм шинжилгээний ажилд ихээхэн эргэлзсэн байдалтай хандах нь ойлгомжтой. Гэвч энэ оны эхээр “DESI” консорциум ижил төстэй дүгнэлтэд хүрсэн. Одоо сансар судлалын салбарт харанхуй энергийн мөн чанар болон ертөнц хэрхэн төгсөх талаар ширүүн маргаан эхэлж байна.
Энэхүү шинэ судалгаа алс холын зайн тэсэрсэн однуудаас цуглуулсан өгөгдлийн найдвартай эсэхэд анхаарчээ. Оддын тэсрэлтээс хийсэн ажиглалтаас эрдэмтэд харанхуй энергийг нээсэн. Тус нээлтийг хийсэн Саул Перлмюттер, Брайан Шмидт, Адам Риесс нар 2011 оны Физикийн Нобелийн шагнал хүртсэн.
Ён Вүг И “Харанхуй энерги, ертөнцийн тэлэлт хурдсаж байгаа гэдгийг нээснээс хойш 27 жил өнгөрлөө. Гэхдээ нэгэн чухал суурь таамаг буруу байсан гэдэг нь илэрч байна. Суурь таамаг буруу байх нь цамцныхаа эхний товчийг буруу товчилж, цамцаа бүхэлд нь буруу товчилсонтой адил үр дүнд хүргэнэ” гэжээ.
1990-ээд он хүртэл эрдэмтэд таталцын хүч ертөнцийн тэлэлтийг удаашруулна гэж үздэг байсан. Учир нь таталцлын хүч галактикуудыг хооронд нь татаж нийлүүлэх хэмжээний хүчтэй юм.
Одон орон судлаачид ертөнцийн тэлэлтийн хурдыг супернова хэмээх дэлбэрч буй оддыг ажиглан хэмжсэнээр энэ ойлголтыг өөрчилжээ. “Iа” төрлийн супернованууд тогтмол гэрэлтдэг гэж эрдэмтэд таамагладаг юм. Ийм учраас “Ia” суперноваг “стандард лаа” гэж нэрлэж, гэрэл нь хэр хол зайтай байгааг илтгэнэ хэмээн одон орон судлаачид үздэг байв.
Эрдэмтэд ийм төрлийн супернованаас ялгарсан гэрлийн долгионы урт ертөнцийн тэлэлтийн улмаас уртсаж буйг тооцоолсон юм. Ингэснээр ертөнц хэр хурдан тэлж буйг хэмжих боломжтой болсон.
Нобелийн шагнал хүртсэн эрдэмтэд алс хол байрладаг супернованууд таамагласнаас байснаас илүү бүдэг ажиглагджээ. Энэ нь ертөнцийн тэлэлт удаашрах биш, харин хурдсаж байгааг харуулсан гэж тэд дүгнэсэн юм.
Гэвч сүүлд нийтлэгдсэн тус судалгаа өөр дүр зургийг үүсгэв. Судалгааны баг 300 орчим галактикийн насыг өөр аргаар тооцоолжээ. Ингэснээр сансар огторгуйн эхэн үед байсан оддын шинж чанар одоо үеийн оддоос өөр тул супернованууд нь дунджаар илүү бүдэг байдаг гэх дүгнэлтэд хүрсэн байна.
Суперновануудын талаарх өгөгдлийг энэ шинэ судалгааны үр дүнгээр соливол сансар огторгуйн тэлэлтийн хурд удааширч буй үр дүн гарсан юм. Мөн харанхуй энерги суларч байгаа гэж эрдэмтэд дүгнэсэн байна. Хэрэв харанхуй энерги улам багассаар эерэг хасаг утгатай болтлоо буурвал сансар огторгуй онолын хувьд “их агшилт”-аар төгсөж магадгүй юм.
Дюремийн их сургуулийн сансар судлаач профессор Карлос Фрэнк судалгааны үр дүн нь анхаарал татахуйц гэж хэлжээ. Тэрбээр тус судалгааны ажилд оролцоогүй юм. Фрэнк “Үнэхээр сонирхолтой. Маш өдөөн хатгасан. Гэхдээ бас буруу байж болно. Шууд үгүйсгээд орхичих судалгаа биш. Тэд маш сонирхолтой үр дүнд хүрч, гүн гүнзгий дүгнэлттэй өгүүлэл гаргажээ” гэсэн байна
Эх сурвалж: The Guardian
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Өөрсдөө оршиж байгаа ертөнцөө бүтнээр харж чадахгүй байж худлаа ярих юм даа
супернова энгийн улам энгийн болсоор..
Удааширч байгаа ш дээ eртөнц мөхөл рүүгээ явж байгаа гэхдээ бас ч гэж мөхтөлөө нилээн хэдэн зуун мянган жил байнаа байна
Нилээд олон арван тэрбум жил гээч.