Нийслэлийн АН-ын даргын өрсөлдөөнөөс Ө.Шижир нэрээ татаж, Б.Ган-Очир ганцаар дэвшиж байна

Ардчилсан намын дотоод сонгууль нэлээд пижигнээнтэй болж, дуусах шатандаа орлоо. 21 аймаг, есөн дүүргийн намын дарга нарын нэрс тодорч, 378 квотод нэр дэвшсэн Үндэсний бодлогын хорооны гишүүдийн нэрс зарлагдчихсан. Тэд одоо Нийслэлийн намын даргаа сонгочихвол дотоод сонгууль нь дуусна.

Нийслэлийн АН-ын даргад нэр дэвшигчдийн бүртгэл хоёр өдөр үргэлжилж, өчигдрийн 18.00 цагт хаасан юм. Уг албан тушаалд УИХ-ын гишүүн Ө.Шижир, Ц.Баатархүү болон АН-ын Үндэсний бодлогын хорооны гишүүн Отгон-Өлзий нарын нэр яригдаж байсан ч бүртгэлийн хугацаа дуусахад Буянаагийн Ган-Очир өрсөлдөгчгүйгээр нэр дэвшилтээ бүртгүүлжээ. Сонгууль нь ирэх сарын 05-ны өдөр болж, түүнийг албан ёсоор батламжилна.

Б.Ган-Очир нь хууль зүйн ухааны доктор зэрэгтэй бөгөөд улс төрийн ажлын гараагаа Монгол Улсын Ерөнхий сайд асан Н.Алтанхуягийн зөвлөхөөр эхлүүлсэн. Одоогоор Оксфордын их сургуульд суралцан, судалгааны ажил эрхэлж байна.

Б.Ган-Очирын намтар

• Монгол Улсын Ерөнхий сайдын зөвлөх,
• МУИС-ийн Эрүүгийн эрх зүйн тэнхим багш,
• Монголын эдийн засгийн форум ТББ-ын Ерөнхий нарийн бичгийн дарга,
• Ардчилсан намын Нарийн бичгийн дарга,
• Ардчилсан намын Хэрэг Эрхлэх газрын даргаар ажиллаж байжээ.

Нийслэлийн есөн дүүрэг, 20 аймгийн АН-ын дарга нартай танилц

О.ОНОН

Өөрийн сэтгэгдлээ илэрхийл

Share Tweet