УИХ-ын ээлжит чуулган завсарласны дараа Байнгын хороод тухайн чуулганы хугацаанд хийсэн ажлаа танилцуулдаг билээ. Энэ дагуу өнөөдөр /2020.02.04/ Хууль зүйн байнгын хороо намрын чуулганы хугацаанд хийсэн ажлаа танилцуулав.
Хууль зүйн байнгын хорооны дарга Х.Нямбаатар: “УИХ-ын хурлын намрын чуулганаар Хууль зүйн байнгын хороогоо нийт 18 удаа хуралдаж, 38 асуудал хэлэлцэж шийдвэрлэсэн. Мөн 70 хуулийн төсөл, 18 тогтоолын төсөл хэлэлцэж, 18 санал дүгнэлт, зургаан танилцуулга, зарчмын зөрүүтэй саналын томьёолол 195-ыг бэлтгэж хэлэлцэн шийдвэрлүүлсэн. Нийт 42 хууль, долоон тогтоолыг УИХ-ын нэгдсэн чуулганаар батлуулсан байна. Мөн хэд хэдэн бие даасан томоохон хуулиудыг батлуулсан. Тухайлбал, Өмгөөллийн тухай хууль, Оюуны өмчийн тухай хууль, Хүний эрхийн үндэсний комиссын тухай хуулийн шинэчилсэн найруулга юм. Уг хуулийн дагуу Хүний эрхийн үндэсний комисс цаашид таван гишүүний бүрэлдэхүүнтэй үйл ажиллагаа явуулахаар болсон. Чуулганы завсарлагааны хугацаанд Хууль зүйн байнгын хороо хуралдаж Хүний эрхийн үндэсний комиссын гишүүдийг сонгон шалгаруулах журмыг батална” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.