Увс аймгийн Тариалан сумын Бургастай багийн Маш гэдэг газар /аймгийн төвөөс зүүн урд зүгт 45 км, сумын төвөөс баруун хойд зүгт 50 км/ малчин А 10-р сарын 19-ний өдрийн 07:00 цагийн орчим малаа хайж яваад сураггүй болжээ. Энэ тухай дуудлагыг 16:50 цагт хүлээн авч, тус аймгийн Онцгой байдлын газрын Эрэн хайх, аврах салбарын алба хаагчид, сумын цагдаагийн хэлтэс, мэргэжлийн анги эрлийн ажиллагааг зохион байгуулж байна. Тухайн өдрийн 20:26 цагт үзэгдэх орчин хязгаарлагдмал болсон тул эрлийн ажиллагааг зогсоож, өнөөдөр 07:00 цагт дахин эхлүүлсэн байна.
Эрэн хайх ажиллагаанд Увс аймгийн Онцгой байдлын газрын Эрэн хайх, аврах салбар, Цагдаагийн хэлтэс, сумын Мэргэжлийн анги болон ар гэрийнхэн оролцож, эрэлч нохой, дрон ашиглан хайж байгаа аж.
Увс аймгийн Засаг даргын орлогч С.Анхбаярын мэдээлснээр, гэнэт их хэмжээний цас орж, цасан шуурга шуурсны улмаас нэг иргэн амь насаа алдаж, нөгөө иргэнийг эрэн хайх ажиллагаа үргэлжилж байна. Иймд иргэд, малчдыг цаг агаарын мэдээ, сэрэмжлүүлгийг тогтмол авч, цасан шуургатай үед малаа хол бэлчээхгүй байх, онцын шаардлагагүй бол холын замд гарахгүй байхыг анхаарууллаа.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хариуцлага алдсан Анхбаяр нөхрийг ажлаас нь халах болж дээ !