Гуравдугаар сарын 25-ны 20:00 цаг орчимд Сүхбаатар дүүргийн 18-р хорооны нутаг дэвсгэр Цагаан худгийн автобусны буудлын урд замд явган зорчигч Ө-г Тоёота Приус маркийн автомашин мөргөж амь насыг нь хохироожээ.
Уг ослын, хэргийн газрын үзлэгээр:
- Явган зорчигч иргэн Ө нь гарцгүй газраар зам хөндлөн гарсан,
- Тоёота Приус маркийн тээврийн хэрэгслийн жолооч иргэн Д нь хурд хэтрүүлсэн байж болзошгүй нь тогтоогдсон гэж Сүхбаатар дүүргийн Замын цагдаагийн хэлтсээс мэдээллээ.
Одоогийн байдлаар хэрэг бүртгэлийн ажиллагаа явагдаж байгаа аж.
2019 онд тус дүүрэгт зам тээврийн ослын улмаас 15 хүний амь нас эрсэдсэний 13 нь явган зорчигч байжээ.
Иймд иргэдийг гарцтай газраар зам хөндлөн гарах, хурд хэтрүүлэхгүй байхыг анхаарууллаа.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
МАШИН ЦӨӨХӨН АЧААЛАЛ БАГА БАИГАА БОЛОХООР ЖОЛООЧ НАР ХУРДТАИ ЯВЖ БАИГАА .... ГАРЦГҮИ БАИТУГАИ ГАРЦТАИИ ГАЗРААР НОГООН ГЭРЛЭЭР ГАРЧ БАИХАД ДАИРЧ АЛЧИХААД БАИДАГ ШҮҮДЭЭ .