ӨМӨЗО-ны Түнляао хотын бага, дунд сургуулийн хэлний сургалтын системд өөрчлөлт орж буй асуудал олны анхаарлын төвд байна. Монгол хэлийг хоёрдогч хэл, харин хятад хэлийг эх хэл болгон заах тухай эл шийдвэр өвөрлөгчид хийгээд Монгол Улсын иргэдийн дунд ч эсэргүүцэл дагуулж буй.
Тэгвэл уг асуудлыг АНУ-ын Конгрессоор хэлэлцүүлэх тухай санал хураалт явагдаж эхэлжээ. “Petitions.whitehouse.gov” сайт иргэдийн дуу хоолой болж, хэлэлцэх нэн шаардлагатай асуудлууд дээр олон нийтээс санал авч, хэрэв 100 мянган хүний дэмжлэг авбал конгресст оруулдаг юм.
Тайлбар хэсэгт, БНХАУ-ын Засгийн газрын энэ жилийн есдүгээр сараас эхлэн өвөр монгол хүүхдүүдийн эх хэлний боловсролыг мандарин хэл рүү шилжүүлэх бодлого баримталж буй тухай бичээд, үүнийг:
- Хүний эрх зөрчиж буй
- Соёлын өвд халдаж буй
- Улсын дотоод асуудалд хөндлөнгөөс оролцож буй хэмээн дүгнэжээ.
Одоогийн байдлаар /есдүгээр сарын 9-ний 11.50 цаг/ нийт 49.996 хүн дэмжих саналаа өгчээ. Санал хураалт аравдугаар сарын 7-нд дуусах аж.
Иргэд саналаа өгөхдөө өөрийн цахим мейл хаяг болон овог нэрээ бичиж бүртгүүлэх шаардлагатай.
Энд дарж саналаа өгнө үү.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
demjine xaana ugux yum
Монголын хэсэг эрдэмтэд, зохиолчид, нийгмийн зүтгэлтэн нар БНХАУ-ын дарга Си Жинпинд хандаж ил захидал бичсэн байна. Тэд, Өвөр Монголд монгол хэлний талаар болж байгаа хэрэг явдалд сэтгэл зовниж байгаагаа энэ захидалдаа дурьдаад залруулахыг хүсжээ.
Монголчууд бид асуудалд олон улсын хууль хүний эрх үндсэний соел зэргийг
тусгасан хариу өгөх нь чухал НҮБ авч хэлцэх л ёстой доо