НийгмийнНИЙГЭМ

СОНСОГЧИД: Халдаг улавч өгөөгүй VS Б.БААТАРХҮҮ: Хуваарилалт хийгдэж байгаа, өгнө

ГССҮТ-ийн яаралтай түргэн тусламжийн тасагт өдөрт 180 хүн үзүүлж, тусламж авдагаас 1-2 нь цагдаа, сонсогч байдаг. Тэд гар, хөл, чих нь хөлдсөн, хайрагдсан байдалтай ирдэг талаар ГССҮТ-ийн яаралтай тусламжийн тасгийн эмч Ч.Түмэнбаяр ярьсан юм.  

Уг мэдээллийн дараа ЦЕГ-ын Хэвлэл мэдээллийн төвөөс уг асуудлыг үгүйсгэж,  “Гэмтэл, согог судлалын үндэсний төвтэй холбогдож энэ талаар тодруулсан. Одоогоор цагдаагийн алба хаагч үүрэг гүйцэтгэж байх хугацаандаа гар, хөл нь хайрагдаж, хөлдсөн гэх мэдээлэл ирээгүй байна. Харин энэ сарын 03-ны  өдөр нэг сонсогчийн гар нь хайрагдаж ГССҮТ-өөс эмнэлгийн үйлчилгээ авсан” хэмээн олон нийтийн дургүйцлийг хүргээд амжсан.  Учир нь цагдаа нарын гар хөл хайрагдаагүй, нэг сонсогчийн гар л хайрагдсан хэмээсэн нь сонсогч бол цагдаа биш, бүр цаашлаад хүн ч биш мэтээр ярьсан мэт ойлгогдсон юм. 

Харин нэг өдрийн дараа буюу энэ сарын 07-ний өдөр үүрэг гүйцэтгэж буй алба хаагчдад халдаг улавч тарааж байгаа талаар Нийслэлийн Цагдаагийн Удирдах Газар мэдээлж, иргэдийн дургүйцэл сайшаалаар солигдсон. Гэвч халдаг улавч сонсогч нарт өгөөгүй, цагдаа нарт л өгч байна гэх гомдол манай редакцад ирсэн юм. Иймд бид таван сонсогчоос халдаг улавч өгсөн эсэхийг тодрууллаа. Тэд одоохондоо өгөөгүй байна гэсэн мэдээллийг бидэнд өгсөн тул ЦЕГ-ын Хэвлэл, мэдээллийн төвийн дарга, дэд хурандаа Б.Баатархүүтэй холбогдлоо.

Харин тэрбээр бидэнд “Өчигдрөөс тараагдаж байгаа. Юу гэж чамд өгөхгүй гээд сонсогч нарыг ялгаварлах билээ дээ. Хуваарилалт хийгдэж байгаа байх. Маргааш хамгаалалтад гарч байхад нь өгнө” гэв.

Хэрэв түүний хэлсэн үнэн бол өнөөдөр сонсогчид халдаг улавчтай болох нь. Харин худал бол сонсогчдыг дахиад л ялгаварлаж байна гэсэн үг юм. Уг асуудлыг бид ахин тодруулж мэдээлэх болно.


ӨМНӨХ КОНТЕНТ: Сонсогчдод хангалтаар өгсөн илчгүй хувцас “ГОЛОГДЖЭЭ”

Энд дарж уншина уу.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

7 Сэтгэгдэл

  1. Монголчуудаа төрч иргэдч бүх асууд####д хүнийг бусдыг яав#### эрсдэлд оруулахгүй таатай байлгах вэ гэдэг т####аас нь харж шийддэг больё.

  2. муусайн хурган даргануаруудаа өөрсдөө тэр х####дүү гутлаа өмсөөд гудманд гарж эргүүл хийгээд үзюээ. дулаан өрөнд хэвтчихээд хуц####даад суухын

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button