Баянзүрх дүүргийн 20 дугаар хорооны нутаг дэвсгэрт Арцадын аманд байрлах 2.5 га газарт газар эзэмших гэрчилгээгүй, зөвшөөрөлгүй барьсан төмөр хашааг чөлөөллөө.
Дүүргийн 20 дугаар хороо бол мал бүхий иргэд, ногоон байгууламж, зуслан бүхий онцгой бүс нутаг. Энэ газар хууль бус зөвшөөрөлгүй хашаалсан хашаа, эзэмших гэрчилгээгүй газруудыг чөлөөлж, иргэдийн эрх ашгийг хангаж ажиллахыг Баянзүрх дүүргийн Газар зохион байгуулалтын албанд үүрэг болголоо. Цаашид их хэмжээний газрыг хууль бус аргаар эзэмшсэн, газар эзэмших гэрчилгээгүй атлаа хашаалсан зэрэг зөрчил гаргасан газрыг чөлөөлж нийтийн эрх ашгийг хангаж ажиллана.
