УИХ-ын гишүүн, УОК-ийн дарга С.Амарсайхан коронавирусийн нөхцөл байдлын талаар байр сууриа илэрхийллээ.
Тэрбээр, Ковид-ын нөхцөл байдал маш хүнд байгаа. Эмнэлгийн ачаалал асар их байна. Өнөөдрийн байдлаар эмнэлэгт хэвтэн эмчлүүлж байгаа 22 мянга гаруй иргэн бий. Үүнээс 6500 гаруй нь нийслэлд, үлдсэн нь хөдөө орон нутагт байна. Одоо иргэд гуравдугаар тундаа идэвхтэй хамрагдах нь чухал байна. Өнөөдрийн байдлаар 330 гаруй мянган иргэн хамрагдаад байна. Вакцины үр нөлөөнд түүврийн аргаар судалгаа хийж байна. Вакцины нэгдүгээр тунгийн дараа 32, хоёрдугаар тунгийн дараа 72 хувийн дархлаа тогтсон. Дельта хувилбарт вакцины нөлөөлөл 32 хувь болж буурсан. Тиймээс томуугийн болон коронавирусийн дархлаажуулалтад идэвхтэй хамрагдах хэрэгтэй байгаа юм. 1.7 сая тун вакцины нөөц байна. Үүнээс 1.2 сая тун нь файзер вакцин. Цаашдаа хөл хорио тогтоохгүй гэсэн бодлоготой байна. Цаашид хэдэн ч жил үргэлжилж мэдэх тул дасан зохицож, сөрж амьдарна гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ЭНЭ НӨХӨР ХЭДЭН ХҮНИЙ АМИНД ХҮРВЭЛ ХӨЛ ХОРИХ БОЛ? УГ НЬ ЦӨӨН ХЭДЭН МОНГОЛЧУУДАА АМЬД БАЙЛГАВАЛ ЦААШИД ТАТВАР ТӨЛӨӨД ТА НАРТ ХЭРЭГТЭЙ БАЙМААР ЮМ. СӨРЖ АМЬДРАНА ГЭДЭГ ЧИНЬ ТААВААРАА ХАЛДВАР АВЧ, ТААВААРАА НАС БАР ГЭЖ СОНСОГДООД БАЙНА ДАА