НИЙГЭМУЛС ТӨР

Д.Бат-Эрдэнэ: Мөнгө тараасан тухай гомдол ирсэн ч зөрчлийн хэрэг нээлгүй хаасан

Сонгуулийн ерөнхий хорооны дарга П.Дэлгэрнаран мэдээлэл хийлээ. Өчигдөр УИХ-ын 18, 28-р тойргийн нөхөн сонгуулийн нэмэлт санал хураалт болсонтой холбогдуулж, тус байгууллагаас сонгуулийн нийт дүнг танилцуулав.

Үүгээр Э.Батшугар, Ц.Идэрбат нарыг УИХ-ын гишүүнээр сонгогдсонд тооцсоныг мэдэгдлээ.

-Санал хураалтын өдөр цагдаагийн байгууллагад ирсэн гомдол, мэдээллүүдийг танилцуулаач?

-Аравдугаар сарын 10-ны өдрийн санал хураалтын өдөр багагүй санал, гомдлууд цагдаагийн байгууллагад ирж, шалгагдсан. Харин 16-ны өдөр ямар нэг гомдол, мэдээлэл ирээгүй.

Уг асуултад СЕХ-ны Хууль, эрх зүйн хэлтсийн дарга Д.Бат-Эрдэнэ нэмэлт хариулт өглөө.

Тэрбээр “Нөхөн сонгуулийн 10 болон 16-ны өдөр болсон санал хураалтын үеэр нийт 62 дуудлага, мэдээлэл ирсэн. Сонгуулийн ерөнхий хорооны хувьд хууль тогтоомж зөрчсөн эсэхийг шийдвэрлэх эрхгүй байдаг. 17-ны өдрийн байдлаар тэдний нэгээс бусдыг нь шийдвэрлэж дууссан байна. Мөнгө тараасан гэх мэдээлэл хүлээж авсан. Түүнийг шалгаад, зөрчлийн хэрэг үүсгэхээс татгалзаж шийдвэрлэсэн байна” гэлээ.

Г.САНСАРМАА

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Back to top button