ХУУЛЬ

Шүүхэд авлига, цар тахлын үзүүлж буй нөлөөг хэлэлцлээ

“Сонгуулийн шүүх эрх мэдлийн дэлхийн сүлжээ” байгууллага “Ардчилал ба авлига” сэдэвт олон улсын дөрөв дэх удаагийн цахим нэгдсэн чуулганыг Мексик Улсын Мехико хотоос 2021 оны аравдугаар сарын 21-22-ны өдөр зохион байгууллаа.

Чуулганд дэлхийн 20 гаруй улс, олон улсын 10 гаруй байгууллагын төлөөлөгчид түүний дотор  Монгол Улсын Үндсэн хуулийн цэцийн дарга, Үндсэн хуулийн шүүх, түүнтэй адилтгах байгууллагуудын Азийн нийгэмлэгийн Ерөнхийлөгч Н.Чинбат оролцов.

Чуулганы төлөөлөгчид ардчиллын өнөөгийн байдал, ардчилсан засаглалын хөгжилд үзүүлж буй нөлөөллийг шинжлэх, сонгуулийн байгууллагуудын үйл ажиллагаа, сонгуулийн кампанит ажил, улс төрийн намуудын оролцоо нь олон нийтийн итгэл үнэмшилтэй хэрхэн уялдаж байгаад дүн шинжилгээ хийх зорилгоор хуралдлаа.

Энэ зорилгын хүрээнд ардчиллыг хөгжүүлэх, үзэл бодлоо чөлөөтэй илэрхийлэх, олон ургалч үзэл, эвлэлдэн нэгдэх эрх чөлөө, тэгш оролцоог хангах, авлига, цар тахлын хүнд нөхцөл байдал шүүх эрх мэдлийн  хараат бус байдалд үзүүлэх нөлөө, тулгарч буй хүндрэл бэрхшээлийг даван туулах  зэрэг асуудлаар хэлэлцүүлэг өрнүүлэв.

Эх сурвалж: Үндсэн хуулийн цэц

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Back to top button