УИХ дахь Ардчилсан намын бүлэг хуралдаж, цаг үеийн асуудлаар мэдээлэл хийсэн юм. Мэдээллийн эхэнд Д.Ганбат өөрийгөө бүлгийн дарга хэмээн тусгайлан тодотгосон нь анхаарал татав.
Учир нь тус бүлгийн дарга чухам хэн нь эсэх нь иргэдийг байтугай улс төрийн сэтгүүлчдийг эргэлзүүлээд байсан билээ. АН-ын бүлэгт хэрүүл уруул болж, хоёр хуваагдсанаас хойш хоёр бүлгийн даргатай болоод байсан юм.
Д.Ганбат нам болоод бүлгээсээ баахан гишүүдээ хөөж, хасч дөвчигнөхөд бүлгийн гишүүд нь түүнийг даргын суудлаас нь чөлөөлсөн байдаг. Улмаар Д.Ганибалыг дарга болгосон. Хоёр талд мэдээлэл хийж, хоёр талд попорсоор өдий хүрч жигдрэх шатандаа орж байна. Харин эл хугацаанд Д.Ганбат бүлгийн дарга мөн биш нь эргэлзээтэй өдийг хүрч ирсэн билээ. Эл байдалд хариулт өгөх гэсэн мэт өнөөдөр тэр өөрийгөө бүлгийн дарга хэмээн тодотгоод авлаа.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.