МХЕГ-ын дарга Т.Гантулгыг ХЗДХЯ-ны ТНБД Б.Баасандоржоор солино

БОАЖ-ын яамныхнаар эхэлсэн улстөрийн болон төрийн захиргааны албан тушаалын халаа, сэлгээ үргэлжилж байна. МАН-ын Удирдах зөвлөл өчигдөр оройн /2022.01.18/ хуралдаанаараа улстөрийн томилгооны асуудал хэлэлцэж БОАЖ-ийн дэд сайдаар Г.Түвдэндоржийг, Эдийн засаг, хөгжлийн яамны дэд сайдаар С.Наранцогтыг томилохыг тус тус дэмжсэн тухай бид мэдээлсэн билээ.

Тэгвэл өнөөдрийн /2022.01.19/ Засгийн газрын ээлжит хуралдаанаар төрийн захиргааны албан тушаалын хэд хэдэн томилгоо хийх чигтэй байна.

Тодруулбал, МХЕГ-ын дарга Т.Гантулгын оронд ХЗДХЯ-ны ТНБД-аар ажиллаж буй Б.Баасандоржийг томилох аж. Улмаар Б.Баасандоржийн албан суудалд Хууль зүй, дотоод хэргийн яамны дотроос нь буюу Хууль зүйн бодлогын газрын даргаар ажиллаж буй П.Сайнзоригийг томилохоор тохирчээ.

Т.Гантулгын хувьд: 2020 оны долдугаар сарын 09-нд Мэргэжлийн хяналтын ерөнхий газрын даргаар томилогдон ажилласан. Говь-Алтай аймгийн МАН-ын хороонд улс төрийн ажилтан, “Алтайн Кашмир” ХХК-ийн Ерөнхий захирал, МАН-ын даргын зөвлөх, Байгаль орчин, Аялал жуулчлалын яамны ТНБД, ХХААХҮЯ-ны ТНБД, МАН-ын Нарийн бичгийн дарга, Эрчим хүчний дэд сайдаар тус тус ажиллаж байсан нэгэн юм.

Б.Баасандоржийн хувьд: 2020 оны долдугаар сарын 22-нд ХЗДХ-ийн ТНБД-ын үүрэгт ажлыг хүлээн авч томилоглож байсан. Тэрбээр төрийн албанд 19 дахь жилдээ ажиллаж байгаа бөгөөд УИХ-ын Тамгын газрын Ерөнхий нарийн бичгийн даргын туслах, Хуулийн хэлтсийн шинжээч, Хууль зүйн байнгын хорооны референт, зөвлөх, ахлах зөвлөх, Хууль зүйн яамны газрын дарга, УИХ-ын Хууль зүйн байнгын хорооны ахлах зөвлөх, 2018 оноос Улсын бүртгэлийн ерөнхий газрын даргаар ажиллаж байсан.

Сэтгэгдлээ илэрхийл

Share Tweet