Нийслэлийн Налайх дүүргийн зургаадугаар хороо Туул голын салаанд усанд боогдсон 7 иргэн байна гэсэн дуудлага өчигдөр өдрийн 11:30 цагт Онцгой байдлын албанд иржээ.
Дуудлагын дагуу тус дүүргийн Онцгой байдлын хэлтсийн гал түймэр унтраах аврах 28 дугаар ангийн алба хаагчид 12:30 цагт очиход Туул голын салаанд усанд боогдсон 18-19 насны долоон иргэнийг аврах завиар зөөвөрлөн аюулгүй бүсэд гаргасан байна.
Амралт, аялал зугаалгын улирал эхэлсэнтэй холбогдуулан иргэд амралт, чөлөөт цагаа өнгөрүүлэхдээ:
- Гол, усны ойролцоо амарч зугаалахгүй байх
- Бага насны хүүхдэд тавих хараа, хяналтаа сайжруулах
- Голын эрэг дагуу хүүхдийг явуулахгүй, тоглуулахгүй байх
- Аян замд явахдаа сайн мэдэхгүй гол мөрний усанд орохгүй байх
- Тээврийн хэрэгслийн жолооч нар баталгаатай зам, гүүрээр зорчиж гол усанд унах, осолдох эрсдэлээс урьдчилан сэргийлэхийг Онцгой байдлын ерөнхий газраас зөвлөлөө.
Б.БАЯРТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
БИТГИЙ АВРААД БАЙГААЧ ТЭНД НЬ ҮЛДЭЭГЭЭД АМЬДРАЛ ОЙЛГУУЛААЧ ХЭН ТЭДНИЙГ ЯВААТАХ ГЭВ ЛАЙТАЙ ЮМАА ЯРШИГ ЗҮГЭЭР