ОХУ-д хоригдсон сагсан бөмбөгчнөө "Үхлийн худалдаачин" Виктор Буттай солихыг АНУ хүсэв

ОХУ-д есөн жил хоригдох ял авсан сагсан бөмбөгчин Бритни Гринерийг суллах гэрээг хүлээн авахыг АНУ Москвад уриалав.

Олимпийн хошой аварга Гринер каннабисын тос хадгалснаа хүлээн зөвшөөрсний дараа “хар тамхи хадгалсан, хууль бусаар хил давуулсан” хэргээр ял сонссон.

АНУ-ын хэвлэлд мэдээлснээр Оросын зэвсгийн наймааны хэрэгтэй холбоотой хоригдлуудтай солихыг санал болгожээ. "Үхлийн худалдаачин" гэгддэг Виктор Бут АНУ-д 25 жилийн хорих ял эдэлж байна. Түүнийг Гринер болон АНУ-ын тэнгисийн цэрэг асан Пол Уилан нартай сольж магадгүй гэж мэдээлсэн байна.

Гэвч Ройтерс агентлагийн мэдээлснээр “Орос улс Германы шоронд хоригдож буй алуурчин Вадим Красиковыг солилцоонд оруулахыг хүсэж байгаа нь саад тотгор болж байна” гэжээ.

31 настай Гринер шүүх дээр хууль зөрчөөгүй гэдгээ хэлсэн. Дэлхийн шилдэг эмэгтэй тоглогчдын нэг гэгддэг түүнийг 2-р сард Москвагийн ойролцоох нисэх онгоцны буудал дахь тээшнээс нь каннабисын тос агуулсан тамхины хайрцаг олох үеэр саатуулжээ. Тэрбээр тухайн үед клубын сагсан бөмбөгт тоглохоор Орост ирээд байжээ.

Түүний өмгөөлөгч давж заалдахаа мэдэгдээд байна.

АНУ-ын Ерөнхийлөгч Жо Байден түүнд оноосон ялыг "хүлээн зөвшөөрөхгүй" гэж хэлсэн бол Төрийн нарийн бичгийн дарга Энтони Блинкен Блинкен Лавровтой дахин ярилцахыг оролдоно гэжээ.

Гринерийн “Финикс Меркури” багийнхан пүрэв гарагт өрсөлдөгчидтэйгээ тоглолтынхоо өмнө 42 секунд чимээгүй байж, түүний 42 дугаартай өмсгөлийг хүндэтгэсэн аж.

ЭХ СУРВАЛЖ: bbc.com

Энэ мэдээнд өгөх таны үнэлгээ

Хуваалцаарай Жиргээрэй