УЛС ТӨРУлс төрийн мэдээ

Б.Энхбаярын сонсголд иргэдийн саналыг авч эхэлжээ

УИХ-ын хяналт шалгалтын тухай хуулийн дагуу, гурван сарын хугацаанд зохион байгуулагдсан гурван шатны нотлох баримтыг шинжлэн судлах сонсголын үр дүнд Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг улс орон даяар сонсож, нотлох баримтад тулгуурлан шинжилсэн.

Эхний шатны нотлох баримтыг шинжлэн судлах сонсголыг 2023 оны нэгдүгээр сарын 16-20-ны өдрүүдэд зохион байгуулж, Хөгжлийн банкнаас шууд санхүүжүүлсэн 3.3 их наяд төгрөгийн 77 зээлийн зарцуулалттай холбоотой асуудлыг нотлох баримтад тулгуурлан, шинжлэн судалжээ.

Хоёр дахь шатны сонсгол хоёрдугаар сарын 06-08-ны өдрүүдэд болж, 2.9 их наяд төгрөгийн 355 төсөл, арга хэмжээнд олгосон зээлийн ашиглалт, зарцуулалтыг нотлох баримтад тулгуурлан шинжлэн судалсан юм.

Түүнчлэн гурав дахь шатны сонсгол гуравдугаар сарын 13-17-ны өдрүүдэд үргэлжилж, 2542 төсөл, хөтөлбөрийн хүрээнд 1.6 их наяд төгрөгийн дамжуулан зээлтэй холбоотой асуудлыг хэлэлцэхийн зэрэгцээ сүүлийн 10 жилийн хугацаанд Хөгжлийн банкны мөнгөн удирдлагын асуудлыг 3600 гаруй гэрээнд дүн шинжилгээ хийх замаар хэлэлцэн, олон нийтэд нээлттэй, ил тод дамжуулсан юм.

Эхний шатны сонсголд 166, хоёр дахь шатны сонсголд  67, гурав дахь шатны сонсголд 123 гэрч, нийтдээ 356 гэрч оролцсон байна.

Ирэх дөрөвдүгээр сарын 15-ны өдрийн дотор гурван шатны сонсголын тайланг боловсруулж, УИХ-ын нэгдсэн хуралдаанд танилцуулна.

Тэгвэл уг тайлан, дүгнэлтэд иргэд, олон нийтийн саналыг нээлттэй хүлээн авч эхэллээ.

Тодруулбал, иргэд гуравдугаар сарын 17-23-ны өдрийг дуустал D-Parliament вэб хуудас болон аппликейшнээр нэвтрэн, Санал асуулга цэсийг сонгож, санал өгөх товчийг дарснаар, өөрийн саналаа Хянан шалгах түр хороонд илгээх боломжтой. Уг саналыг түр хорооны тайлан, дүгнэлтэд нэгтгэн Улсын Их Хурлын чуулганы нэгдсэн хуралдаанд танилцуулах ажээ.

Энэ мэдээнд өгөх таны үнэлгээ
Like
Love
Haha
Wow
Sad
Angry

П. Урнаа

Утга зохиол судлаач, сэтгүүлч мэргэжилтэй. Сэтгүүл зүйн салбарт зургаан жил ажиллаж байна. Улс төрийн сэдвээс гадна шүлэг бичдэг. “Зүрхний хэлээр” яруу найргийн түүвэр хэвлүүлсэн. Eguur.mn сайтын улс төрийн албаны модератор, редактораар ажиллаж байна.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
1 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2023-03-20 17:37

татвар төлөгчийн мөнгө ёо гэхгүй. Хариуцлага �##�дсан зээлдэгчээх төлүүл

Холбоотой мэдээ

Back to top button