Хэлбэр ба агуулга: Ордонд цангинасан шүгэл хүүхдүүд үлээхэд "дуугарах" уу

УИХ-ын гишүүн Х.Булгантуяа нар "Шүгэл" төслийг санаачлаад байгаа. Гэр бүлийн хүчирхийлэл, хүүхдийн эрх зөрчигдөж буй асуудалд шүгэл үлээе, мэдээлдэг байя, ил тод ба хариуцлагатай болъё гэсэн мессежийг тэд хөндөж буй.

Хачирхалтай ч гэмээр нь, шууд утгаараа шүгэл үлээдэг болъё хэмээж байгаа юм байна. Үүнийг НҮБ-ын практикт өргөн хэрэглэдэг хэлбэр гэж төслийн санаачлагчдын нэг УИХ-ын гишүүн Х.Булгантуяа бичжээ. Цаашлаад "Шүгэл нь дэлхийн олон улс, орнуудад хэрэглэгддэг бөгөөд хүүхэд, эмэгтэйчүүд хүчирхийллийн аюулд өртсөн, осол аваар, байгалийн гамшгийн үед болон тусламж хэрэгтэй ямар ч үед шүглээр дохио өгдөг" гэсэн байна.

Энэ төслийнхөө талаар тэр өнөөдөр Төрийн ордонд танилцуулах үеэрээ өөрөө шүгэл үлээж үзүүлэв.

Мэдээллийн үеэр УИХ-ын гишүүн Б.Баярсайхан ч байлцлаа. Уг төслийн хүрээнд хүүхдүүддээ шүгэл авч өгөх аяныг зохион байгуулах аж.

"Шууд утгаараа байсан гэж үү" хэмээн гайхмаар өл төслийг эмэгтэй гишүүд ийн санаачилж байна. Тэдний агуулга бус хэлбэр дийлсэн энэ санаачилга хэлбэр төдийд л анхаарал татаж байна. Бас хэлбэр төдий л хэрэгжих дүр зурагтай.

Өөрөөр хэлбэл, ордонд үлээсэн гишүүний шүгэл цангинах ч хүүхдүүдийнхийг хэн сонсох бол, хэр чанга "дуугарах" бол гэдэг нь сонирхолтой өнцөг. Хөрсөн дээр буух уу, бодит ажил хэрэг болж чадах уу гэдэг хүлээлт үүслээ.

Г.САНСАРМАА

Энэ мэдээнд өгөх таны үнэлгээ

Хуваалцаарай Жиргээрэй