Хуваарь ёсоор даваа гараг бүр УИХ дахь намын бүлгүүд хуралддаг билээ. Энэ дагуу МАн-ын бүлэг хуралдаж, дараах асуудал хэлэлцсэн талаараа мэдээлэл өглөө.
МАН-ын бүлгийн дарга Д.Тогтохсүрэн "Хуралдаанаар нэг асуудал хэлэлцсэн. Өнгөрсөн долоо хоногт Монгол Улсын Ерөнхийлөгчөөс Улстөрийн намуудын тухай хуулийн шинэчилсэн найруулгын төслийг өргөн мэдүүлсэн. Үүнийг бүлгээр хэлэлцлээ. 2019 онд тус хуульд нэмэлт өөрчлөлт орж байсан. Хуулийн онцлог гэвэл 4 зүйл байна.
Нэгт, Улстөрийн намуудыг хариуцлагатай болгох. Тухайлбал, хоёр сонгуульд дараалан оролцохгүй байвал идэвхгүй байдал руу шилжүүлэх. Хариуцлага тооцох, тараах зэрэг арга хэмжээ авна
Хоёрт, Улстөрийн нам улсын хэмжээнд үйл ажиллагаа явуулна.
Гуравт, улстөрийн намын санхүүжилтийг нээлттэй, ил тод болгох. Аудит оруулна. Хэрвээ тайлангаа ил тод тавиагүй бол хариуцлага тооцно.
Дөрөвт, Улстөрийн намыг бүртгэх, үйл ажиллагаанд нь хяналт тавих чиг үүргийг СЕХ-нд өгч байна. Уг хуулийн төслийг дэмжих нь зүйтэй гэж бүлэг үзсэн. Энэ долоо хоногт байнгын хороо, УИХ-ын чуулганаар хэлэлцэнэ. Дэмжсэн тохиолдолд ирэх долоо хоногт ажлын хэсэг байгуулагдаад хаврын чуулганаар хэлэлцэж батлах чигтэй байна.
Харин ҮХНӨ-тэй холбоотой асуудлаар дараах байр суурь илэрхийллээ.
Тэрбээр, "Сонгуулийн тухай хууль болон, Төсвийн тухай хууль гэсэн хугацаатай хуулиудыг хэлэлцээд хугацаагүй хуулиудыг зогсоож Үндсэн хуулиа хэлэлцэнэ гэсэн үг.
ҮХНӨ-тэй холбоотой асуудлаар өнгөрсөн наймдугаар сард УИХ-аас 54 дүгээр тоот тогтоол гаргаж, Засгийн газарт өгсөн. Засгийн газар энэ дагуу ажиллаж байна. Өнгөрсөн долоо хоногт парламент болон Засгийн газрын сайтуудад төслөө албан ёсоор тавьсан. Төсөл тавих тодорхой хугацаатай. Тодорхой хугацааны дараа Засгийн газраар хэлэлцээд, ҮХНӨ-ийн төслийг УИХ-д өргөн барина гэж ойлгож байна. Өргөн баригдсаны дараа УИХ хэлэлцээд явна. УИХ хэлэлцэхдээ хоёр зүйлд анхаарна. Үндсэн хууль бол хоёр зүйлийг заавал үндэслэж явдаг.
Нэгдүгээрт, иргэд сонгогчдын саналыг харгалзан үзнэ.
Хоёрдугаарт, парламентад суудалтай намууд зөвшилцөж байж явна" хэмээлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хөгшин коммунист холиож байнаа
Үндсэн хуульд гар хүрэх эрх та нарт байхгүй шүү. Засаглалын 3 институт бие биенээ хянаж байх ёстой. Гэтэл одоо Ганц Засгийн газар бүхнийг шийдэж байна Энэ болохгүй ээ. Шүүх ялангуяа хараат бус байх ёстой тэр нь одоо алга боллоо. УИХ нь ЗГ-ын нүдний аяаар хөдөлдөг боллоо. Юу ЗГ-аа хянах. Ерөнхийлөгч хуульд хориг тавихгүй боллоо. Намын бодлогоо дагадаг боллоо. Ийм байж болохгүй ээ. МАНгарууд минь Монголд төрийн дээр нам, намын дээр Хэнтий аймаг л байна.
Иргэд ҮХӨО-ыг зөвшөөрөхгүй байгаа шүү дээ
Энэ мэт баг зүүсэн луйварчингуудыг
Тогтохоо мөнгө тараасан хүн дотор чинь 50 хүрээгүй ахмадууд 10 гаруй байгаа шүү
Засгийн газар ҮХНӨ-ийг санаачлан хийх эрх байхгүй шүү дээ. Энэ Тогтохсүрэн зөнөчихсөн юм уу юу яриад байгаа юм бэ?