Олон улсын залуус роботын тэмцээн (IYRC) Солонгос улсын Тэжон хотод наймдугаар сарын 1-4-нд зохион байгуулагдана.
Энэхүү тэмцээнийг 6-17 насны хүүхдүүдийн дунд зохион байгуулдгаараа онцлогтой. Тус тэмцээнд Монголыг төлөөлөн 10 хүүхэд оролцож, “Creative Design" төрөлд хоёр баг болох юм.
Тодруулбал,
- "Цөлжилтгүй Эко байгаль-Anti-Desertification project"
- OTDO (Ocean Trash Distinguish Organization) буюу Далайн хогийг ялгах байгууламж бүтээлээрээ тус тус оролцоно.
Харин ганцаарчилсан төрөлд
- Animal Kingdom буюу Line follow дагах кодын ангилалд Т.Цогт-Очир, М.Гэрэлтдалай
- Robot soccer төрөлд Т.Гарьд, Т.Ананд, М.Энхтүшиг
- Galaxy plunder төрөлд Э.Дөлгөөн, Т.Ананд, С.Өнөболд
- Push Push төрөлд Н.Эрмүүн, М.Гэрэлтдалай, С.Өнөболд, М.Энхтүшиг
- Math challenge төрөлд М.Энхтүшиг, Т.Энхтамир, Н.Эрмүүн, Т.Ялгуун нар оролцохоор бэлдсэн байна.
Уг тэмцээн нь цар тахлын улмаас өмнө нь цахим хэлбэрээр зохион байгуулагдаж байсан удаатай. Тухайн үед эх орноо төлөөлж оролцсон “My robot time Mongolia” баг өндөр амжилт үзүүлж байв.
Энэ удаагийн роботын тэмцээнд дэлхийн 30 орны 2,000 гаруй хүүхэд оролцохоор бүртгүүлжээ.
М.АГАР
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.