2024-2025 хичээлийн жилд улсын хэмжээнд ерөнхий боловсролын сургуулийн нэгдүгээр ангид элсэн суралцах 77,285 хүүхэд байгаагаас Улаанбаатар хотын төрийн өмчийн ерөнхий боловсролын сургуульд элсэн суралцах 38,398 хүүхэд байна.
Дүүргээр нь авч үзвэл,
- Багануур дүүрэг 620
- Багахангай дүүрэг 113
- Баянгол дүүрэг 5,807
- Баянзүрх дүүрэг 10,425
- Налайх дүүрэг 882
- Сонгинохайрхан дүүрэг 7,890
- Сүхбаатар дүүрэг 3,178
- Хан-Уул дүүрэг 6,699
- Чингэлтэй дүүрэг 2,785 хүүхэд байна.
Өнгөрсөн жилийн хувьд төрийн үйлчилгээний нэгдсэн систем E-Mongolia-аар дамжуулан 28,979 хүүхэд элсэлтийн бүртгэлээ амжилттай баталгаажуулжээ. Харин энэ жил 2018.01.01-2018.12.31-ний хооронд төрсөн хүүхдүүд цахим бүртгэлд хамрагдах боломжтой бөгөөд 2017 онд төрсөн болон цахимаар бүртгүүлэх боломжгүй иргэд харьяа, дүүргийн төрийн өмчийн сургууль дээр өөрийн болон хүүхдийн бичиг баримтыг бүрдүүлэн очно.
Нэгдүгээр ангийн элсэлтийн бүртгэл наймдугаар сарын 12-25-ны өдрүүдэдТөрийн үйлчилгээний нэгдсэн систем E-Mongolia -аар цахимаар зохион байгуулагдах юм.
Хэрэв та цахимаар бүртгүүлэх боломжгүй байгаа тохиолдолд өөрт ойр байрлах төрийн өмчийн сургууль дээр хүүхдийн болон эцэг эх, асран хамгаалагчийн бичиг баримттайгаа очиж, дэмжих багийн тусламжтайгаар элсэлтийн бүртгэлийг баталгаажуулах, цуцлах боломжтой.
Б.ХАШ-ИЛД
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.