Улаанбаатар хотын агаарын бохирдлыг эрх баригчид одоо нэг идэвхтэй хэлэлцэж эхэллээ. Ерөнхийлөгч У.Хүрэлсүх өчигдөр сайд нарыг дуудаж уулзан, чиглэл өгсөн. Дагаад УИХ дээр сонсгол зохион байгуулах үйл явц ч хүлээгдэж эхэллээ.
Тэгвэл, өнөөдөр /2024.12.19/ Шадар сайд С.Амарсайхан, Нийслэлийн Засаг дарга Х.Нямбаатар нар агаарын бохирдлын асуудлаар УИХ дахь Байгаль орчин, хүнс, хөдөө аж ахуйн байнгын хороонд мэдээлэл танилцуулах юм байна.
Шадар сайд бөгөөд УОК-ын дарга С.Амарсайхан ерөнхий мэдээлэл өгнө. Харин Нийслэлийн Засаг дарга Х.Нямбаатар сайжруулсан шахмал түлшийг голчилж, "Тавантолгой түлш" ХХК-ийн үйлдвэрлэл, технологийн үйл ажиллагаа, түлшний нөөц ба чанарын талаар илтгэх нь.
Үүгээр утааны сонсголын өмнө, яг өнөөгийн нөхцөл байдал хэрхээд байгаа талаар тойм мэдээлэл нийгэмд очих нь.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.