Автомашины албан татвар, автозам ашигласны төлбөр бууруулах саналыг байнгын хорооны гишүүд дэмжсэнгүй
УИХ-ын Төсвийн болон Өргөдлийн байнгын хорооны хамтарсан хуралдаанаар өнөөдөр (2026.10.07) Автомашины албан татвар болон автозам ашигласны төлбөрийг бууруулах тухай иргэн Э.Баясалцэнгэлийн гаргасан саналыг хэлэлцсэн ч гишүүдийн олонх нь дэмжсэнгүй, унагалаа.
Нийслэлийн ИТХ-ын тогтоолоор 2024 оны сүүлчээр автомашины албан татварыг 3 дахин, автозам ашигласны төлбөрийг 5 дахин нэмэгдүүлж, 2025 оны нэгдүгээр сарын 1-нээс мөрдөж эхэлсэн юм. Ингэснээр автомашины албан татвар:
- “Приус” ₮36000-аас 108 000
- “Лексус 570" ₮188 100-аас 564 300
- “Портер” ₮30 000-аас 75000
- “Ланд круйзер 200” ₮151 800-аас 455 400
Автозам ашигласны төлбөр:
- 2000 хүртэлх моторын багтаамжтай машин ₮20 000-аас 100 000
- 2001-3000 хүртэлх моторын багтаамжтай машин ₮30 000-аас 150 000
- 4001 дээш моторын багтаамжтай машин ₮50 000-аас 250000 төгрөг болж нэмэгдсэн юм.
Иргэн Э.Баясалцэнгэлийн зүгээс Улаанбаатар хотын удирдлагуууд татварыг 3-5 дахин нэмэгдүүлсэн ч замын ашиглалт арчлалт сайжраагүй тул дээрх нэмэгдлийг буцааж бууруулах ёстой гэсэн асуудлаарх өргөдлөө нийтийн өргөдөл гомдол хүлээн авах цахим системд байршуулсан.
Автомашины албан татварыг 300 хувь, автозам ашигласны төлбөрийг 500 хувиар өсгөсөн нь үндэслэлгүй гэж үзсэн дээрх өргөдлийг 33 216 иргэн дэмжсэн тул хамтарсан Байнгын хорооны хуралдаанаар ийнхүү хэлэлцсэн юм. Уг асуудлыг хуралдаанд оролцсон гишүүдийн олонх дэмжээгүй тул УИХ-аас цаашид Ажлын хэсэг байгуулах шаардлагагүй болов.
Г.САНСАР
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хөгийн новшнууд 2 хүний саналаар авто машины татварыг 5 дахин нэмчээд байхад олонх дэмжихгүй бн гэхээр болоод бгн бнлдаа буудхуу