Улс төрийн мэдээ

Нөмрөгийг "шатаасан" асуудалд ангийн захирагч, Хилийн боомтын захиргааны даргыг чөлөөлөөд өнгөрөх үү

Нөмрөгийн дархан цаазат газар нийт 528 мянган га газрыг хамрагдаг бөгөөд үүний 468 мянган га газар нь түймэрт өртсөн. Энэ бол НҮБ-ын гишүүн 30 гаруй орны нутаг дэвсгэрээс том газар нутаг. Мөн биологийн олон янз байдал, дэлхийн хэмжээний ховор экосистемийг хадгалж байсан онцгой бүс нутаг. Атал уг газар шатсанаас хойших 18 хоногт Засгийн газрын анхаарлын төвд орлоо.

Өчигдөр Ерөнхий сайд Н.Учрал холбогдох салбарын сайд нар болон ОБЕГ, Хил хамгаалах ерөнхий газрын дарга нартай уулзах үеэрээ Дархан цаазат газар руу нэвтрэх зөвшөөрөл олгосон Хилийн боомтын захиргааны дарга Э.Гантулга, Хилийн цэргийн 0198 дугаар ангийн захирагч Б.Гантөгс нарыг ажлаас нь чөлөөлж Дорнод аймгийн засаг дарга Ш.Ёлд сануулах арга хэмжээ авахыг үүрэг болгосон юм.


Тэгвэл олон нийтийн сүлжээнд “ажил үүргээ гүйцэтгэсэн гэмгүй хилчдээр асуудлыг намжаах гэлээ" гэх шүүмжлэл өрнөж байна. Ингэж шүүмжлэхээс ч аргагүй. |2026.10.13|-нд ХХЕГ-аас гаргасан мэдэгдэлд:

Хилийн боомтын захиргаа, Мобиком корпорацийн удирдлага, орон нутгийн иргэд болох нийт 13 хүн, 5 машинтай хилийн бүсэд нэвтрэх хүсэлтийг гаргасан. Хүсэлтийг дараах хуулийн заалтыг үндэслэж олгосон. Монгол Улсын хилийн тухай хуулийн 25 дугаар зүйлийн: 

  • 25.2-т "Энэ хуулийн 26.2.3-т заасан зөвшөөрлийг улсын хилийн асуудал эрхэлсэн төрийн захиргааны байгууллагаас нэг жил хүртэл хугацаагаар, энэ хуулийн 30.2.3-т заасан зөвшөөрлийг тухайн орон нутагт байрлах хилийн анги /салбар/ 30 хүртэл хоногийн хугацаагаар олгож, хяналт тавина".
  • 25.9-т "Улсын хилийн зурвас, бүс, боомтод нэвтрэх зөвшөөрөл нь эрх бүхий албан тушаалтны гарын үсэг, тэмдгээр баталгаажуулсан хэвлэмэл хуудас бүхий байна" гэсний дагуу зөвшөөрөл олгогдсон хэмээсэн тайлбарласан байна.

Асуудалд буруутан эрж, хэн нэгнийг ажлаас нь чөлөөлснөөр мухардагдахгүй. Ингэж асуудлын галыг намжаах бус дахин энэ төрлийн асуудал гарахаас сэргийлэх нь чухал байна. Нөмрөгийн дархан цаазат газар бол хилчдийн дайны үед амиа зориулж, энх тайван цагт амьдралаа зориулж хамгаалсан газар. Биологийн олон янз байдал, дэлхийн хэмжээний ховор экосистемийг хадгалж байсан онцгой бүс нутаг. Ганц даргын зөвшөөрөл, ганц билет тасалж 5, 10 мянган төгрөг төлөөд чөлөөтэй нэвтэрдэг байх ёсгүй.

Г.МИШЭЭЛ

Өөрийн сэтгэгдлээ илэрхийл
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
4 Сэтгэгдэл
Шилдэг
Шинэ Хуучин
Inline Feedbacks
View all comments
Зочин
Зочин

Энэ нөхдүүд өөрсдөө амаа үдүүлсэн юм шиг ноцож чаддаггүй хулчгарууд

Зочин
Зочин

Япон шиг хариуцлагаа бүх шатанд хүлээдэг болчмоор юм. Улаан цагаан түймэр гараад улсаа шатаалгачихаад байхад нэгийгээ өмөөрөөд.

Чимэдгомбо
Чимэдгомбо

Отгон баяр дарамтлах хэлбэрээр маргаж хил хамгааллын болон дархан цаазат газрын хууль дүрмийн тайлбарыг үл тоосон , албан тушаал , цолтой чинь ярина гэж сүрдүүлж байхад орон нутгийн 2 иргэн сонсч байжээ . Тэгээд арга буюу оруулсан Үндсэндээ дайрч орсон гэсэн үг . 2 өдөр архидаад шал согтуу хэвээр машинаа бариад ан хөөж онхолдсон машин шатсан хаяад зугтаацгаасан . гэхдээ машин дэлбэрээгүй тэгж гүйлдэж байх хугацаанд машины гал түймэр болж өргөжөөд дийлдэхээ больсон Унтраах гэхэд ямарч багаж хэрэгсэл байгаагүй , унтраах гэж оролдоогүй хаяаад үлдсэн ашиндаа чихэж суугаад зугтаасан Хилийн 2 офицерт ямарч буруу байхгүй .

Зохиолч Л.Пүрэвдорж
Зохиолч Л.Пүрэвдорж

Тэд буруутай ахул тэгэх л байх.

Холбоотой мэдээ

Back to top button