Малайзын Ерөнхий сайд асан Исмаил Яакобт хөрөнгө нуун дарагдуулсан хэргээр ял тулгажээ
Малайзын Ерөнхий сайд асан Исмаил Яакобт хөрөнгө нуун дарагдуулсан хэргээр пүрэв гарагт /2026.08.27/ ял тулгасан байна. Исмаил авлигын хэрэгт холбогдон шалгагдаж эхэлсэн гурван дахь ерөнхий сайд асан болов. Тэрбээр Малайзын улс төрийн хямрал үргэлжилж байх үед буюу 2021-2022 оны хооронд 15 сар ерөнхий сайдаар ажилласан юм.
Түүний өмгөөлөгч Амер Хамза Аршад мэдэгдэл хийхдээ “Бид тулгасан ялын зүйл ангийг судалж үзнэ гэдгээ шүүхэд мэдэгдсэн. Тулгасан ялын хууль ёсны байдлын байдалд эргэлзсэн зүйл байгаа ч энэ талаар дэлгэрэнгүй мэдээлэл одоо өгөхгүй” гэжээ. Исмаил гэм буруугүй гэх байр суурь илэрхийлж, 75 мянган ам.доллароор батлан даалтад гарсан аж. Хэрэв шүүх гэм буруутай гэж үзвэл тэр тав хүртэлх жилээр хорих болон 25 мянган ам.доллар хүртэлх торгууль төлөх ял сонсох магадлалтай байна.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.