С.Бямбацогт: Сайд нар алдаа бага гаргаарай
УИХ-ын чуулганы хуралдаан эхэллээ. Хуралдаанаар Ерөнхий сайд Л.Оюун-Эрдэнэ танхимынхаа шинэ сайд нарыг Монгол Улсын Ерөнхийлөгч Х.Баттулга болон УИХ-д танилцууллаа. Улмаар УИХ-ын гишүүнд сайдад нэр дэвшигчдээс асуулт асууж, үг хэлж байна.
УИХ-ын гишүүн С.Бямбацогт:
Л. Оюун-Эрдэнэ Ерөнхий сайдын оруулж ирж байгаа нэр дэвшигчдийг дэмжиж байна. Зөвд нь зөөлөн, бурууд нь хурц байж МАН-ын мөрийн хөтөлбөрийг хэрэгжүүлэхэд хамтарч ажиллана. Аль болох алдаа бага гаргаарай. Амжилт гаргахын төлөө ажиллаарай.
Хоёрхон зүйл хэлмээр байна. Та бүгдийн ширээнд байнга харж, уншиж байх зүйл бол Үндсэн хууль, Засгийн газрын тухай хууль. Яамны эрх зүйн байдлын тухай хууль. Дараа нь хөгжлийн бодлого төлөлвлөлтийн тухай хууль.
Өнгөрсөн хугацаанд хөгжлийн бодлого төлөвлөлтийн тухай хууль баталсан. Өнгөрсөн 30 жил замбараагүй, хөгжлийн бодлогогүй ажиллаж ирсэн. Шинэ хууль эрх зүйн орчноор ажиллана.
Хоёрдугаарт ширээнд байнга байх ёстой бичиг баримт бол Хөгжлийн бодлого төлөвлөлтийн тухай хуульд заасан таван бодлогын бичиг баримт байгаа.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.