МэдээНийгмийнНИЙГЭМшуурхай мэдээЭнтертайнмент

Үнэхээр байдаг гэдэгт нь итгэдэг гурван төрлийн ХАРААЛ

Хараал. Хараал жатга гэдэг зүйл хэр бодит зүйл вэ. Хараал эсвэл зүгээр л мухар сүсэг үү. Хэдийгээр орчин үеийн дэвшилтэт ертөнц улам боловсронгуй болон хөгжиж, Сар, Ангараг гариг руу хөлөг хөөргөж, өсч үрждэг робот хүртэл зохион бүтээж эхэлсэн ухамсарт хүмүүн төрөлхтөнд хараалын тухай ойлголт бага зэрэг хоцрогдсон мэт боловч хараал гэдэг хийсвэр зүйл амьдралд бодитоор оршсоор. Ингээд хамтдаа infoniac news сайтад хараалын талаар юу гэж бичсэн болохыг сонирхоцгооё.

ХАРААЛ ГЭЖ БИЙ ЮУ

Энэ нь хачирхалтай сонсогдож магадгүй ч шашны ном зохиолуудад эл сэдвээр маш их зүйлсийг өгүүлсэн нь бий. Хараал гэдэг нь үндсэндээ “харлуулах”, “хар болгох” гэсэн утгатай үг. Хараал бол та биднийг хорлон сүйтгэх, устгах, эсвэл адислал хүлээн авахад саад болох ер бусын хүч.

ЯМАР ТӨРЛИЙН ХАРААЛ БАЙДАГ ВЭ

Энэ нийтлэлд бид хамгийн түгээмэл гурван төрлийн хараалын талаар ярих болно.

НЭГ. ГЭР БҮЛИЙН ХАРААЛ

Гэр бүлийн хараал гэдэг нь удамшиж дамждаг хараал юм.

Бид эцэг эхээсээ сүнслэг өвийг хүлээн авдаг бөгөөд тэрхүү сүнслэг өв нь адислал, хараалыг хоёуланг нь өөртөө агуулдаг.

Эртний судруудад хараал бол хүний гурав, дөрөв дэх үе хүртэл үргэлжилдэг гэж өгүүлдэг. Энэ нь эцэг эхийн хийсэн гэм нүгэл, хор хөнөөлтэй бүх л үйлдлүүд нь тэдний үр хүүхэд, ач зээ нарт хүрнэ  гэсэн үг юм.

Тиймээс муу зүйл хийхээсээ, үйлдэхээсээ өмнө үр хүүхэд, ач, гуч нар чинь түүний төлөөсийг үүрнэ гэдгийг бодолцоорой. Айж явбал аминд өлзийтэй гэдэг үг ч бас л үүнээс үүдэлтэй.

ХОЁР. АМАН ХАРААЛ

Бидний үг хүчтэй. Бидний амнаас гарч буй үг бүхэн бидэнд тусална, эсвэл хамгийн их хор хөнөөл учруулж ч болно. Эртний судруудад ч үүнийг ихэд онцолсон байх жишээтэй:

“Aмнаас ерөөл ба хараал хоёулаа урсан гарна”.

Бидний үгс бусдад асар их дэмжлэг, адислал өгөх чадвартай байхын сацуу бас тэр хэрээрээ хараалын хэлбэртэй байж болдог.

Бусдын хэлсэн үгнээс бид санаандгүй байдлаар хараал хүртэж болдог. Хамгийн аймшигтай хараал бол хамаатан садан, найз нөхдийн хэлсэн хараал. Ялангуяа, энэ нь ээж эсвэл аавын тань амнаас урсан гарах хараалд хамаатай. Учир юу вэ гэхээр, та бол  аав, ээжийн мах, цусны тасархай болохоор тэр. Хүйн холбоо гэдэг үг зүгээр ч нэг бий болчихсон үг биш гэдгийг байнга бодол оюундаа санаж явах хэрэгтэй. Ээжийн, аавын тань хувь заяа, үйлдэл үр хүүхдэд нь нөлөөлдөг ч гэж үздэг. Гэхдээ энэ бол хараалаас тусдаа тэс өөр од эрхэс, мах, цус, бодол санааны энергитэй холбоотой ойлголт.

Тиймээс, хамгийн аминчлан сануулах гээд байгаа зүйл бол бусдад хэлэх үгэндээ болгоомжтой байгаарай. Бусдад гэлтгүй өөртөө хэлэх үгэндээ ч няхуур хандаарай. Уурлаж уцаарласан, гомдож туних үедээ ч ойр дотны хүмүүстээ, үл таних хүнд ч хожим нь харамсах аймшигт үгсийг хэзээ ч битгий хэлээрэй.

Бидний олонхи нь тэднээс “өшөө авахын” тулд, тэднээс илүү гарахын тулд хараалын үгч санаатай болон санаандгүйгээр чулууддаг. Үгээр хүнийг үхүүлж бас аварч болно гэсэн үгс ч бас үүнээс л улбаалан дэлгэрсэн. Хараал зүхэл, хор хөнөөлтэй үгсийн хүчнээс өөрсдийгөө чөлөөлөх хэрэгтэй. Хийх ёсгүй зүйлийг санаандаа ч битгий хий. Хэзээ нэгэн цагт биеллээ олж амилдаг гэсэн нэгэн суут хүний онож хэлсэн гайхалтай үг бий. Үүнийг санаж огоорч яваарай.

ГУРАВ. ХАМГИЙН АЙМШИГТАЙ ХАРААЛ-ДАЛД ХАРААЛ

Хамгийн сүүлд дурьдах ёстой хараалын төрөл бол ид шидийн гэх тодотголтой зан үйлд оролцдог хүмүүсийн зориудаар бүтээдэг хараал. Далд хараал бол шулам, сатанизм болон бусад хар бараан үйлдлүүдийг үйлддэг хүмүүсээс гаралтай. Эдгээр хүмүүс ихэвчлэн зан үйлээр, ид шидийн гэх аргаар, чөтгөр шуламын янз бүрийн үйлдлээр бусдыг хараахыг оролддог.

Хэрэв та ямар нэгэн хараал тусчихлаа даа гэж сэжиглэж байгаа бол зөвхөн залбирлын тусламжтайгаар өөрийгөө үүнээс ангижруулж чадна. Өөрөөр хэлбэл, өөрөө өөртэйгөө ярих. Үгээр дамжуулан, үгийн энергиэр дамжуулан хараалын хүчийг сарниулах юм. Гэвч, дан ганц үгийн хүчээр арилдаггүй хараал орших тул тусгай зан үйлийн аргаар хараалыг зайлуулдаг.

Энд нэг зүйлийг онцгойлон хэлье. Хараал гэдэг бол бидний айж амьдрах ёстой, хүндээр тусгаж авах ёстой зүйл биш гэдгийг санаарай. Хэрэв бид энэ яваа насандаа өдөр тутмын амтдралдаа, алхам бүрдээ бүх зүйлийг зөв хийж, муу үйл хийхгүй “зөв амьдарвал” хараал зүхэл ч байна уу хар муу бүхэн бидэнд наалдаж чадахгүй юм.

(Эх сурвалж: Infoniac News)

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
1 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2021-12-03 07:26

Бууны сум шиг тусах хараа.л захи####гаар хийнэ

Холбоотой мэдээ

Back to top button
1
0
Would love your thoughts, please comment.x
()
x