Нийгмийн

Цэцэрлэгт зориулсан САНХҮҮЖИЛТИЙГ шийдэхийг үүрэгдлээ

Монгол Улсын Ерөнхий сайд Л.Оюун-Эрдэнэ өнөөдөр /2022.04.17/ цэцэрлэгийн хүртээмжийг нэмэгдүүлэх асуудлаар БШУЯ, ЭЗХЯ, Сангийн яам болон Нийслэл, дүүргийн Засаг дарга нар, Боловсролын ерөнхий газрын дарга, удирлагуудтай уулзлаа.

Энэ асуудал нь жагсагчдын тавьсан шаардлагуудын нэг бөгөөд 2022 оны төсвийн тодотголд зарим шийдлүүдийг тусгахаар Засгийн газар ажиллаж байна.

Улсын хэмжээнд 2-5 насны нийт 305,278 хүүхэд байгаагийн 69,749 нь 2021-2022 оны хичээлийн жилд сургуулийн өмнөх боловсролд хамрагдаж чадаагүй байна.

Нийслэлийн 57 байршилд цэцэрлэгийн хэт өндөр ачаалал үүсчээ. Иймд цэцэрлэгийн хүртээмжийг нэмэх дараах шийдлүүдийг БШУЯ санал болгож буйгаа танилцууллаа.

Үүнд,
 

  • Цэцэрлэгийн барилгыг шинээр барих өргөтгөх,
  • Цэцэрлэгийн зориулалттай барилга түрээслэх
  • Төрийн бус өмчийн цэцэрлэгийн сул орон тоонд нэмэлт элсэлт авах
  • Байгууллагын цэцэрлэгийг дэмжих
  • Хувийн цэцэрлэг байгуулах санаачилгыг дэмжих
  • "Өргөө" цэцэрлэг барих ажлыг эрчимжүүлэх
  • Орон сууцны нэг давхрыг цэцэрлэгийн зориулалтаар худалдаж авах
  • Хувийн хэвшил өөрийн газар дээр цэцэрлэг баривал төр худалдаж авах, түрээслэх
  • Хүүхэд харах үйлчилгээг дэмжих
  • Хоёр настай хүүхэд бүрт хувьсах зардал өгөх зэргийг тусгажээ. 

Монгол Улсын Ерөнхий сайд Л.Оюун-Эрдэнэ "Цэцэрлэгийн хүртээмжийг нэмэгдүүлэхэд шаардагдах зардлыг Засгийн газар, Нийслэл хамтран гаргах нь зүйтэй" гээд эдгээр шийдлийг 2022 оны төсвийн тодотголд тусгахыг үүрэг болголоо.

Мөн "2022-2023 оны хичээлийн жилд хүүхдүүд цэцэрлэгт сугалаагаар хамрагддаг байдал арилсан байх ёстой" гэдгийг онцлон анхаарууллаа. 

Энэ мэдээнд өгөх таны үнэлгээ
Like
Love
Haha
Wow
Sad
Angry

П. Урнаа

Утга зохиол судлаач, сэтгүүлч мэргэжилтэй. Сэтгүүл зүйн салбарт зургаан жил ажиллаж байна. Улс төрийн сэдвээс гадна шүлэг бичдэг. “Зүрхний хэлээр” яруу найргийн түүвэр хэвлүүлсэн. Eguur.mn сайтын улс төрийн албаны модератор, редактораар ажиллаж байна.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
2 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2022-04-17 17:10

Маш зөв шийдсэн байна. Төрийн байгууллагын дарга нар д�##�ай шиг том, давхар давхар өрөөнд суухаа больж �##�бан хаагчдынхаа хүүхдэд зориулсан цэцэрлэг ажиллуулах хэрэгтэй. Аж ахуйн нэгж ч ижил. Мөн шинээр барих орон сууцыг цэцэрлэггүй бол зөвшөөрч болохгүй. Хуучин орон сууцнуудыг нэг давхаргыг цэцэрлэгт зориулж худ�##�даж авб�##� цэцэрлэгийн асууд�##� маш хурдан шийдвэрлэгдэнэ. Амжилт хүсье.

Zochin
Zochin
2022-04-17 18:05

Худ�##�ч хүнд нэг гишүүний тойргийн мөнгө юм бишүү. Ккк

Холбоотой мэдээ

Back to top button