Нийгмийн бодлогын байнгын хороо өнөөдөр /2022.10.17/Төрийн ордонд хуралдлаа.
Монгол Улсын 2023 оны төсвийн тухай, Нийгмийн даатгалын сангийн 2023 оны төсвийн тухай, Эрүүл мэндийн даатгалын сангийн 2023 оны төсвийн тухай хуулийн төсөл /Засгийн газар 2022.09.29-ний өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн байнгын хороонд хүргүүлнэ/
Энэ үеэр Сангийн яамны Төсвийн бодлого төлөвлөлтийн газрын дарга М.Санжаадорж: "Ирэх онд төрийн алба хаагчдад олгох цалин, урамшууллын хувьд дараах дөрвөн төрлийн арга хэмжээг авч хэрэгжүүлэхээр төлөвлөжээ.
- Төрийн захиргааны болон тусгай албан хаагчдын цалинг нэг суурьтай болгоно.
- Төрийн албан хаагчдын ажилласан хугацааны нэмэгдлийг жил тутам олгодог болно. Одоогоор 5-10, 10-15 гэсэн жилээр энэхүү нэмэгдлээ авдаг.
- Төрийн захиргааны албан хаагчдад орон нутгийн нэмэгдэл өгөх асуудлыг суурь зардал дээр нь 20 хувиар тооцож олгоно. Засгийн газрын тогтоолоор 100 хувиар олгох боломжийг гаргаж ирнэ гэсэн тооцоотой байна.
- Төрийн чиг үүргийг хэрэгжүүлж буй байгууллагын туслах чиг үүргийг хэрэгжүүлж буй ердийн ТЭҮ-гийн цалинг 6-8 хувиар нэмэгдүүлэхээр оруулж ирж байна. Энэ нь хөдөлмөрийн хөлсний доод хэмжээтэй уялдана.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.