Хуваарь ёсоор долоо хоног бүрийн лхагва гараг бүрт Засгийн газар ээлжит хуралдаанаа хийдэг. Өнөөдрийн /2022.10.26/ ээлжит хуралдаан дуусч, 14:00 цагт мэдээлэл хийлээ.
ЗГХЭГ-аас байгуулагдсан ажлын хэсэг "Өргөө" амаржих газарт ажилласан бөгөөд энэ үеэр захирал асан Ж.Энхцэцэг ирж уулзсан байдаг. Тус эмнэлэгт хийж буй хяналт шалгалтын талаар ЗГХЭГ-ын дарга Д.Амарбаясгалан дараах мэдээллийг өглөө.
Тэрбээр "Засгийн газраас гарсан ажлын хэсэг маш нягт ажиллаж байгаа. "Өргөө" амаржих газрын ажилчидтай нэг нэгэнгүй уулзалт хийж, ажлаас чөлөөлөгдсөн ажилчидтай уулзаж, бодит мэдээллийг гаргахаар ажиллаж байна. Өнөөдрийн байдлаар захирал асан Ж.Энхцэцэгтэй уулзсан. Ойрын хугацаанд ЗГХЭГ-аас гарсан Ажлын хэсэг дүнгээ нэгтгэж, олон нийтэд нээлттэй мэдээлнэ. Нөгөө талаас эрүүл мэндийн салбарт захиргааны хяналт шалгалт хийх үүрэг өгсөн. Үүний хүрээнд ЗГХЭГ-ын дэд дарга н.Бямбасүрэн ахалж ажилдаа ороод байна. Мөн эрүүл мэндийн салбар дотор байгаа ашиг сонирхлын зөрчлийг хянаж, шалгаж нэг талд нь гаргах хүсэлтийг Засгийн газраас АТГ-т бичи хүргүүлсэн" гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
За энэ хэд л үнэнийг хэлнэ дээ