Шүүх хурал: Ц.Баатарбилэг авсан зээлээ Ё.Баатарбилэг, Ж.Мөнхбат нарт өгсөн гэрчийн мэдүүлэг

“Хөгжлийн банк”-ны гэх тодотголтой нэр бүхий 80 шүүгдэгч, 4 хуулийн этгээдэд холбогдох эрүүгийн хэргийн гэм буруугийн шүүх хуралдаан дөрөвдүгээр сарын 17-ны өдрийн 08:30 цагт эхэлсэн.

Хурал өнөөдөр ийнхүү 27 дахь өдрөө үргэлжилж байна. Нотлох баримтыг шинжлэн судлах үйл ажиллагаа явагдаж буй юм.

Өнөөдрийн хуралдааны эхэнд "НВЦ" компанийн Гүйцэтгэх захирал Ц.Баатарбилэг, УИХ-ын гишүүн Ё.Баатарбилэг, УИХ-ын гишүүн асан Ж.Мөнхбат нар Хөгжлийн банкны зээлээр хоорондоо холбоо хамааралтай талаарх гэрчийн мэдүүлгийг уншиж танилцууллаа.

Хүрэлсайханы Баттулгын гэрчээр өгсөн мэдүүлэгт: Ц.Баатарбилэг ах 54 тэрбум төгрөгийн зээл авсан. Зээл бүтчихлээ гээд намайг дуудаад НВЦ компанийн хажуу талд байрлах дүүгийнх нь гэр очход ширээн дээрээ боодолтой доллар овоолчихсон, аав ээж, хүргэн, дүү нь гээд гэр бүлээрээ цуглачихсан байсан. Зураг хөрөг авахуулаад оргилуун дарс задлаар найр хийж суусан. "Тулгаа энэ их мөнгөтэй зургаа авахуул" гээд Би Ц.Баатарбилэг ахтай зургаа авахуулсан. "Зээл гарсан. 21 сая ам.доллар буюу 54 тэрбму төгрөг гарсан". Эл зээлээ УИХ-ын гишүүн Ё.Баатарбилэг болон Ж.Мөнхбат, Хөгжлийн банкны захирал Н.Батбаярт аваачиж өгнө гээд том хар цүнхэнд хийгээд аваад явсан. Ё.Баатарбилэгийн жолооч Гангаа гэх залуутай хамт аваад гарсан" хэмээн ярьсан байгаа юм.

Мөн тэднийг мөнгөө аваад "Сентралл Тауэр"-ийн 17 давхарт уулзаж, ууж идсэн тухай нь ярьсан ажээ.

Энэ мэдээнд өгөх таны үнэлгээ

Хуваалцаарай Жиргээрэй