Л.Энх-Амгалан: Банкны барьцаанд орсон барилгуудыг сургуулийн зориулалтаар ашиглана
Өнөөдрийн Засгийн газрын хуралдаанаас гаргасан шийдвэрийн талаар БШУ-ны сайд Л.Энх-Амгалан дараах мэдээлэл өглөө.
Тэрбээр, “Гурван ээлжээр суралцах эрсдэлтэй сургуулиудын талаар хэлэлцлээ. Богино болон дунд хугацааны ямар шийдвэр арга хэмжээ авах вэ гэдэг талаар ярилцсан.
2022-2023 оны хичээлийн жилд 859 сургуульд 746 мянган сурагч суралцсан. Үүнээс улсын хэмжээнд 6 сургуульд 3 ээлжээр 1451 гаруй сурагч. Одоо шинээр баригдаж байгаад удааширсан 18 сургуулийн 11310 хүүхэд түрээсийн байранд суралцаж байна.
Нэгдүгээр ангид 10 мянган хүүхэд орлоо гэхэд аравдугаар ангийг 5 мянган хүүхэд төгсч байгаа юм. Энд тооны зөрүү үүсээд байгаа.
2023-2024 оны хичээлийн жилд Нийслэлд өндөр ачаалалтай 47 сургуулийн 33314 сурагч, 17 аймгийн 34 сургуульд 4379 сурагч гурван ээлжээр хичээллэх эрсдэл үүссэн тул зургаан шийдлийг гаргалаа.
Газартай сургуулиудад хувийн хэвшлийг оруулан сургуулийн асуудал шийдэх хэлэлцээр хийнэ.
Банкны барьцаанд байгаа хураагдсан барилга, объектуудыг сургуулийн зориулалттай ашиглах
Их дээд сургуулиудын харъяа бага сургуулиудын бүтцийг өөрчлөх
Сурагчдын хоцрогдлыг арилгах suraad.mn сайтыг ажиллуулж эхэлсэн. Мөн англи хэлний pearson платпормыг ашиглан хүүхдүүдүд ашиглуулах туршилт хийгдэж байна.
Мэргэжлийн багш нар дутагдах эрсдэл үүсэж байна. 3 ээлжээр хичээллэж байгаа сургуулиудад 424 багшийг нэмж ажиллуулах зохицуулалт хийнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.