Энэ хаврын чуулган завсарлахаас өмнө батлагдахаар хүлээгдэж буй нэг чухал хууль бол Улстөрийн намын тухай хууль.
Өнгөрөгч долоо хоногт УИХ-ын даргын сануулгаар хэлэлцэх чигтэй байсан ч оруулж ирээгүй билээ. Тэгвэл Улсын Их Хурлын даргын дэргэдэх Зөвлөлийн 2023.06.23-ны өдрийн хурлаар тус хуулийг энэ долоо хоногийн УИХ-ын чуулганаар хэлэлцэх асуудлын гуравдугаарт эрэмбэлж батласан байна.
Гэхдээ дөнгөж анхны хэлэлцүүлгийг нь хийх юм. Энэ утгаараа энэ хаврын чуулганаар амжиж батлах уу, үгүй юу гэдэг асуулт өнөөдрийг хүртэл хүлээлттэй байв. Улмаар улстөрийн намууд тийм ч амархан санал нэгдэхгүй гэдэг нь Төрийн ордонд болсон намуудын хурлаас харагдаж, санаа зовоосон асуудал болоод буй.
Тэгвэл өнөөдөр /2023.06.26/ Ерөнхийлөгчийн өргөн барьсан хуулийг МАН-ын бүлэг хэлэлцэж, энэ хаврын чуулганаар батлах нь зүйтэй гэдэгт санал нэгдсэнээ дуулгалаа.
Эл хуулиар Улстөрийн намуудын санхүүжилтийг ил тод болгоход чиглэсэн чухал заалтууд орж ирж буй.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энэ эргүүг долоогчидтой нь зайлуулах юмсан.