УИХ-ын чуулганы өнөөдрийн /2023.06.28/ нэгдсэн хуралдаанаар Боловсролын ерөнхий хуулийн төслийн эцсийн хэлэлцүүлгийг хийлээ. Уг хуулийн төслийг өнгөрсөн долоо хоногийн чуулганы нэгдсэн хуралдаанаар хэлэлцэх үед УИХ дахь МАН-ын бүлэг завсарлага авсан билээ.
Эл хоног гүйцсэн тул өнөөдрийн хуралдаанаар санал хураасан ч зарим саналаар багцлан санал хураасан нь дэг зөрчжээ.
Тодруулбал, УИХ-ын Боловсрол, соёл, шинжлэх ухааны байнгын хороогоор уг хуулийн төслийн эцсийн хэлэлцүүлгийг хийж, ажлын хэсэг болон гишүүдээс гаргасан саналын томъёоллоор санал хураалгах шатанд зарим саналыг багцлан санал хураалгасан нь УИХ-ын дэгийн тухай хуулийг зөрчсөн гэж УИХ-ын дарга Г.Занданшатар мэдэгдэв.
Энэ тухай тэрбээр, "УИХ-ын Боловсрол, соёл, шинжлэх ухааны байнгын хороо хариуцлагагүй ажилласан байна. Иймд Боловсролын ерөнхий хуулийн төсөлтэй холбоотойгоор гарсан саналуудыг нэг бүрчлэн санал хурааж, дахин УИХ-ын чуулганы нэгдсэн хуралдаанд оруулж ир" хэмээн чиглэл болголоо.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.