Өнөөдөр /2023.08.14/ НЗДТГ-аас мэргэжлийн байгууллагуудтай хамтран үерт амь үрэгдсэн хүний тоог нуун дарагдуулсан эсэх талаар мэдээлэл хийлээ.
Нийслэлийн Засаг даргын хэвлэлийн төлөөлөгч Н.Сугар "Хүн амь үрэгдсэн асуудлыг нуун дарагдуулсан асуудал огт байхгүй. Нийслэлийн Засаг даргын захирамжаар амь үрэгдсэн иргэдийн ар гэрт орон сууц өгөх шийдвэр гарсан. Хэнтий аймгаас ирээд харамсалтайгаар амиа алдсан хоёр иргэний ар гэрт орон сууцыг нь хүлээлгэж өгсөн. Үлдсэн хоёр иргэний ар гэрт орон сууцыг нь өгөхөд бэлэн болчихсон. Хараахан хүлээлгэж өгөөгүй байна. Харин бичиг баримт болон хувь хүний нууцтай холбоотой нягтлах асуудал бий.
Үерийн нөлөөнд өртөж, урсаж болзошгүй газрын судалгааг нарийвчлан гаргасан. Иргэдийг нүүлгэн шилжүүлэх 427 га газрыг зураглан байршлыг нь тодорхойлоод байна. Энэхүү газарт эхний ээлжинд 2397 айлыг нүүлгэн шилжүүлнэ. Иргэдэд үерт урсах эрсдэлтэй газар гэж мэдэгдэл хүргэдэг ч иргэд урдаас ураад шиддэг. Бид эрхээ эдэлж байна гэж ярьдаг ч үүргээ биелүүлдэггүй.
Иргэдийн нэрлэж заншсанаар "Натур"-ын гүүрний урд баригдаж буй барилгын зөвшөөрлийг нь цуцалчихлаа. Үүнд Нийслэлийн Засаг дарга бөгөөд Улаанбаатар хотын захирагч хувийн ашиг сонирхлоор хандлаа гэдэг мэдээлэл цахим орчинд иргэн байршуулсан байна. Энэ талаар холбогдох албаныхан мэдээлэл өгнө" гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Нөгөө хөөрхий муу зүүнхараагийн билүү баруунхараагийн билүү олон хүний амь авраад өөрөө эндсэн жолооч залууд ар гэрт нь байр өг л дөө ! Новшнуудаа!
Өгөөч хулгайчаа
Нэг нь ч гэсэн амьд гарсан болоосой. Буруу өдөр гэрээсээ гарчдээ зайлуул. Үхсэн хүн л харамсалтай юм даа